$ 447.89  476.78  4.79

ОҚО-да биыл 500 шақырымнан астам жол жөнделмек

Биыл Оңтүстік Қазақстан облысында 110 жол нысанның құрылыс жұмыстарын жүргізу жоспарлануда. Яғни облыс бюджетінен 513,6 шақырым жол мен 17 жасанды имаратқа құрылыс-монтаждау жұмыстары жүргізілмек.

Сонымен қатар, бюджетті тиімді пайдалану үшін концессия жолымен ұзындығы 48 шақырымдық «Шымкент қаласының оңтүстік-батыс жаңа айналма жолының құрылыс» жобасын іске асыру бойынша жұмыстар атқарылуда.

Өткен жылы облыста 69 жол нысанның құрылыс жұмыстарына 15,1 млрд. теңге көлемінде қаржы бөлініп, 420,4 шақырым жолдың және 7 жасанды имараттың құрылысы жүргізілген болатын. Нәтижесінде облыстық маңызы бар 19 жол, 1 көпір жөндеу жұмыстарынан өтіп, 8 жол мен 1 көпір пайдалануға берілді. Ал қала және аудан көлемінде 49 нысанда яғни, 250 шақырым жолда құрылыс жұмыстары жүргізіліп, 1 жер асты және 1 жер үсті өткелдері пайдалануға берілді.

Айта кететін бір жайт, 2015 жылы жол құрылысы саласында жаңа технологияны қолдану нәтижесінде 40 млн. теңге қаржы үнемделген.

Серғали БАЛАЖАН

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары