Әлеумет 28.05.2020 сағат 11:00

Әкімдік алдында шу шығарған тараздықтар шенділердің мысын басты

Ал, облыс әкімі орынбасарының айтуынша, саудагерлердің жайы «екі күнде шешілуі мүмкін». Яғни, жұма күні аймақтық  штаб отырысы өтпек. Сол кезде базардың іске қосылу-қосылмау тағдыры шешілетін көрінеді.
Әкімдік алдында шу шығарған тараздықтар шенділердің мысын басты
фото: stan.kz
Бөлісу
Бөлісу
Бөлісу

Тараздық кәсіпкерлер шу көтерді. Наразы жұрт өңірдегі ең ірі көтерме базарды іске қосуды талап етуде. Екі ай карантинде жатып табысы тоқтаған олар сауда нысандарының жұмыс істеуіне рұқсат берілгені дұрыс деп санайды. Бұл туралы Skifnews.kz ақпарат порталы, КТК арнасына сілтеме жасап хабарлайды. 

«Шымкенттік саудагерлердің саудасы қызып тұр, Ақтөбеде бүгін, ертең базар ашылады, ал  бізде неге сауда нысандары іске қосылмады?», - дейді кәсіпкерлер. 

Бұл сауалдың жауабын іздеген наразы топ бүгін облыс әкімдігі алдында бас қосты.   

 "Автобус жүрсін, базар ашылсын – әңгіменің тоқ етері". 

Шулағандар өңірдегі ең ірі «Ауыл береке» базарының саудагерлері. Жұрттың әкімдік алдына жиналып, айғайға басуы шенділерді әбден шошытты. Тіпті сабырға шақырауға келгендердің кейбірі сасқалақтағаны сонша, бетперде тағуды ұмытыпты.    

- Мен ішкі саясат басқармасынанмын.  
 - Неге бетпердеңіз жоқ? 
- Бетпердемді алып келші... 

Кәсіпкерлер: «Екі ай үйде жұмыссыз отырып, ақшамыз таусылды», - дейді. Сондықтан шенділерден карантиндік қатаң тәртіпті сақтай отырып, сауда жасауға рұқсат беруін сұрап отыр. 

"Шыдамымыз таусылып, осында келдік. Әкімдік, прокуратура, СЭС өкілдері  келді. Біз соларға сұраныспен шығып тұрмыз, бізге базарды ашып берсін", - дейді саудагер Сәуле Мейірманова.

Базар басшысы бұл ретте өзінің дәрменсіз екенін айтуда. Ол бар жауапкершілікті әкімдікке ысырып қойды. Ал, облыс әкімі орынбасарының айтуынша, саудагерлердің жайы «екі күнде шешілуі мүмкін». Яғни, жұма күні аймақтық  штаб отырысы өтпек. Сол кезде базардың іске қосылу-қосылмау тағдыры шешілетін көрінеді.   

"Сонымен, болдық қой деймін. Бір-біріміздің уақытымызды алмайық. Жұма күні кездесеміз, бітті! Мен базарға келемін. Міне, екі өкілдеріңізді сайлап бердіңіздер. Солармен хабарласып отырамын", - деді Жамбыл облысы әкімінің орынбасары  Нұржан Календиров.

 Жағдай сол күйі өзгеріссіз қалуы да мүмкін. Себебі, бұған дейін де Халыққа қызмет көрсету орталықтары іске қосылады деп айтылып, артынша кейінге шегерілген. Шешімдердің табан асты өзгеруіне, өңірдегі эпидемилогиялық ахуалдың ушығуы себеп болса керек. Ал аймақта соңғы екі тәулікте 66 адамнан COVID-19 анықталған. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар