Әлеумет 15.07.2020 сағат 00:25

«Бірінші кезекте халықтың табысын арттыруға тырысамын» - министр

Елімізде орташа жалақы 200 мың теңгеге сәл жетпейді.
«Бірінші кезекте халықтың табысын арттыруға тырысамын» - министр
фото: aikyn.kz
Бөлісу
Бөлісу
Бөлісу

Еңбек және халықты әлеуметтік қорғау министрі Біржан Нұрымбетов қазақстандықтардың жалақысына қатысты ойын айтты, деп хабарлайды Tengrinews.kz.

"Менің елдегі жалақы деңгейіне "сыни тұрғыда" қараймын. Статистика комитетінің мәліметі бойынша, елімізде орташа жалақы 200 мың теңгеге сәл жетпейді. Бұл салықты есептемегенде, демек, қолға одан да аз түседі. Медициналық жалақы ұғымы бар. Ол да 125 мың теңге деңгейінде, одан көп емес", - деді Нұрымбетов ОҚК брифингінде. 

"Әрине, бізде жалақы аз. Мен әрқашан бірінші кезекте халықтың табысын арттыруға тырысамын. Осыдан атаулы әлеуметтік көмек және әлеуметтік қамтамасыз етуге байланысты сұрақтар туындайды. Сондықтан біз жұмыс берушілер еңбекақысын арттыруға жүйелі түрде кірісу үшін әлеуметтік серіктестік аясында жұмыс істейміз", - деді министр.

Нұрымбетов жалақыны кезең-кезеңімен арттыру қажет екенін айтты. 

"Бүгінде ол бізде аз. Біз, Еңбек министрлігі оны кезең-кезеңмен арттыру қажет деп есептейміз. Әрине, қазір оның уақыты емес, бұл біраз шығын жұмсалатын мәселе. Дегенмен, елдің 2025 жылға дейінгі Стратегиялық даму құжатында біз орташа төменгі жалақыны кезең-кезеңмен көбейтуді көздеп отырмыз", - деді министр. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар