Әлеумет 18.08.2020 сағат 05:33

«Халықтың көбі аш»: Атыраудағы «Дина» базарының ашулы саудагерлері шу көтерді (ВИДЕО)

Айтуларынша, 5 айдан бері табыссыз қалған, қазір несие төлей алмай жүргендері жетерлік.
Бөлісу
Бөлісу
Бөлісу

Бүгін жұмысқа шыққан атыраулық саудагерлер, ішке кіргізілмеді. Бұған ашулы топ шу көтерді. Шаһардағы ең ірі базар кәсіпкерлері сауда орнының ашылуын талап етті, деп хабарлайды Skifnews.kz ақпарат порталы Астана телеарнасына сілтеме жасап.

Айтуларынша, 5 айдан бері табыссыз қалған, қазір несие төлей алмай жүргендері жетерлік.

«Дина» базарының алды таңертеңнен бері у-шу. Саудагерлер карантин басталған 5 айдан бері күнкөрісіміз күрт нашарлады деп ашуға булықты. Айтуларынша, бірер күн бұрын базар әкімшілігі 17- тамыз күні ашылатынын хабарлаған. Дүңгіршіктерін санитарлық талапқа сай тазалауды да тапсырыпты.  

Саудагерлердің бірі "Кеше «ашамыз»,-  деді. Кредитіміз басымыздан асады. Біз бүгін мәз боп келдік. Бүгін  «жабық» дейді. Кредитімізді бәленбай есеге өсіріп жіберді. Сотқа беріп жатыр алды. Оны қалай төлейміз? Ауру баламызды қалай асыраймыз үйдегі?", - десе,

енді бірі:

"17-сінде келіңдер деді. Келдік ал. Барлығымыз жүрміз бала-шаға азып тозып. Халықтың бәрі жаңа кетіп алды. «Ертең кел», «түс қайта кел», «бірсүгіні кел»,-  деген соң. Масқара емес пе мынау деген. Халықтың қамын ойламай ма?", - деп наразылықтарын білдіріп жатыр.

Базар аумағында далада орналасқан нүктелер саудасын карантин мезгілінде тоқтатқан жоқ. Жабық павилиондағы кәсіпкерлер осыған ренішті.

"Павилиондардың бәрі жабық. Жарты базар жұмыс істеп тұр. Жарты базар жатырмыз. Үкіметтің берген 42 мың мен 21 мыңын жеп жатырмыз үйде. Енді Үкімет оны да бермейді ғой, бізге. Біздің пенсиямыз жоқ. Халықтың көбі аш. Бас санитарды шақырдық, келген жоқ. Акимат неге келмейді?", - деді саудагер Кәмшат Әділова.  

Наразы топқа, шенділер түскі астан соң ғана қара көрсетті. Облыс әкімінің орынбасары мен бас санитар келіп, сауда орталығын әбден аралап шақты. Артынша кемшіліктерді тізіп берді. 

"Кемшіліктер көп болды. Ең бастысы вентиляция болды. Мысалы бір павилионның ішінде ауа жоқ. Дезтунельдер болды кіріп келгенде антисептик шашатын. Сосын термометрия өткізетін тепловизор болу керек кіріп келгенде адамның температурасын өлшейтін. Базар әкімшілігі бұл талаптарды 10 күннің ішінде орындауға уәде етті. Ал жанұшырған саудагерлерге ертеңнен бастап жұмысқа кірісуге рұқсат берді", - деп қысқа қайырды Атырау қ. тауарлар және көрсетілетін қызмет сапасы мен қауіпсіздігін бақылау басқармасы басшысының орынбасары Мұрат Хамзин.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар