«Біреудің қайғысын қарғысқа, мазаққа айналдырмайық»: белгілі заңгер жұртты Айсұлтанның өлімін саясатқа айналдырмауға шақырды

Айсұлтан Назарбаевтың мезгілсіз қазасы қазақ қоғамы арасында біраз әңгіменің арқауына айналып отыр. Жұрттың біразы өмірден ерте кеткенін айтып, қайғырып жатса, марқұмның қазасын сан-саққа жүгіртіп, саясат іздеп жатқандар да жоқ емес, деп хабарлайды Skifnews.kz ақпарат порталы.

Белгілі заңгер, Президент жанындағы Ұлттық қоғамдық сенім кеңесінің белсенді мүшесі Айгүл Орынбек өз парақшасы арқылы жұртты сабырға шақырып, жазба жариялады.

Заңгердің айтуынша, қаралы күні адамның қайғысын қарғысқа, мазаққа айналдырудың қажеті жоқ!

«Соғыс кезінде өліктерді көмуге мүмкіндік берілген!
Адамның қайғысында тыныш қалдыруға болады ғой!
Қандай ана өз баласына жамандық тілейді айтыңдаршы?
Дариға ханым өз баласына бәрін берді. Ер азаматтар ешқашан әйел затын түсінбеген, әкесінің арқасында анасынан жырақ жүрген балада өкпе болғаны рас! Анасына сағыныш, кішкентай кезінде қалған өкпе травмасында сыртқа шығарды. Бүкіл әлемге жар салып айтты да! Бәрін кінәләді, кекшілдік деген жақсы емес, Бәрін жау көрді. Мына өмірде өзін түсінетін адам таппай, өмірмен қоштасты», - деп жазады бұл жолы. 

Айтуынша, қателіксіз адам болмайды. Бәрі де қателеседі. 

«Ешкім идеал емес, бәріміздің кемшілігіміз бар.
Адам жеке өмірін, таңдауын сыйлап үйрену керек, бұл да бір мәдениет!
Ия балаға бақ берілді, отбасына деген ашу ызасын халыққа қызмет жасап, мұқтаж жандарға көмек беру арқылы қайтару керек еді. Әттең олай болмады, отбасы дұшпандарының қолында пешкаға айналды!

Ешқандай ана өз баласын жерге оңай қиып бере салмайды. Жынды, тентек болса да тірі жүргенін қалайды. Қаралы күні адамның қайғысын қарғысқа, мазаққа айналдырудың қажеті жоқ!
Баланы тыныш қалдырайық, бұл өмірде таппаған жан тыныштығын о дүниеде тапсын! Иманды болсын!»,  деп жазған ол өзінің facebook парақшасында.