$ 448.15  483.46  4.86

«10 рет сот болған шығар»: Елорда тұрғындары «ақылды үйлердің» сапасына наразы (ВИДЕО)

"Smart house - ақылды үй" тұрғын үй-құрылыс кооперативінің бұрынғы басшысы Қанат Абзалиев шағымға жауап берді.

Нұр-Сұлтанда "ақылды үйдің" (Smart house тұрғын үй кешені) тұрғындары құрылыс сапасына наразы. Бұл туралы  "Хабар 24" телеарнасының эфирінде айтылды, - деп хабарлайды Tengrinews.kz тілшісі.

Үйдің температуралық жапсарында проблемалар бар, қыстың күні көптеген пәтердің қабырғасы суық, көгерген, кей жерде вентиляция жұмыс істемейді, шатырдан су ағып тұр. 

"Менің екі балам бар. Кішкентайым жасқа, үлкенім төртке толмаған кезі еді. Суық болғаны сонша, екеуі де пневмониямен ауырып қалды. Балаларым далаға да шықпады, түсінесіз бе. Бірақ үй суық болды, бар жағынан жел соқты", - деді бизнес-класс үйдің тұрғыны.

Одан бөлек үйге кіріп-шығатын жол жоқ. Үйді салған компания көрші үйдің құрылысы аяқталған соң Түркістан көшесіне шығатын жолды жөндеп беремін деп уәде еткен. Құрылыс біткен, бірақ жол ашылмаған. Үйді жан-жағында бетон блоктар тұр.

Есіл ауданының әкімі Берік Жәкенов құрылыс компаниясы "жұмыстың бәрін қолына алған рұқсат құжаттарының аясында орындағанын" айтты.

"Smart house - ақылды үй" тұрғын үй-құрылыс кооперативінің бұрынғы басшысы Қанат Абзалиев шағымға жауап берді.

"10 рет сот болған шығар және бәрі дұрыс, жақсы салыпсыңдар деді. Адамдар бизнесмендерден неғұрлым көп ақша алу үшін шу шығарады", - деді құрылыс компаниясының өкілі.

"Үй дұрыс салынған ба" деген сұраққа Абзалиев тұрғын үй кешенінде "туысының жартысы" тұратынын айтқан.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары