«Ай сайын смартфоннан нені өшіріп тұру қажет» - маман кеңесі

Қажетсіз және қолданылмайтын қосымшалар смартфон жадын толтырып тастайды, сондықтай ай сайын оларды тазартып отыру қажет. Сонымен қатар бұлттағы (cloud) ақпаратты да тексеріп тұру керек, дейді Telecom daily ақпараттық-талдау агенттігінің директоры Денис Кусков.

Оның айтуынша, бүгінде адамдар смартфонды қоңырау шалу, интернетке қосылу, фото түсіру және басқа да мақсатта қолданады. Көп адам ұялы телефонына 100-ге жуық қосымша жүктеп алады, алайда күніне соның ішінде он қосымшаны ғана пайдаланады, деп жазады "Прайм" агенттігі.

"Сол себепті телефондағы қосымшаларды тексеріп отыруды ұмытпау керек. Егер кей қосымшаның қажеті жоқ екенін көрсеңіз, телефон жадын толтырады деген себеппен өшіріп тастаңыз. Сонымен қатар олар үнемі жаңарып отырады, ал бұл интернет трафикті арттырады", - дейді маман.
Сонымен қатар смартфон жылдам жұмыс істеуі үшін қолданбайтын қосымшалардағы Push хабарландыруды өшірген дұрыс. Сондай-ақ, қолданушының әрекетінен тыс өз бетінше келетін хабарламаларды да өшіріп қоюға болады.

Сонымен қатар бұлтта сақталатын ақпаратты, артық фотоларды да өшіріп отырған жөн. Себебі белгілі бір көлемнен асқаннан кейін ол жердегі фото үшін ақша төлеу қажет. Артық ақпарат – артық шығын.

"Сонымен қатар мессенджерлер арқылы телефон жадына келетін барлық фотоны, мәтінді, видео мен аудионы сақтаудың қажеті жоқ. Телефонның параметрлерінде мұны айналып өтуге болатын батырма бар", - дейді Кусков.

Айтуынша, сол арқылы бұлттағы ақпараттың көлемі артады және мессенджердің архивінде сақталып қалады. Екі жақта бір фотоның сақталмауы үшін қосымша параметрлерін өзгертіп қойған жөн.

Дереккөз: sputnik.kz