Әлеумет 24.02.2021 сағат 12:20

Қарағандыда зейнеткер 17 млн теңгеден астам ақшасын көршісіне бергенін ұмытып қалған

Көршісі зейнеткердің барлық ақшасын өзіне қайтарып берді.
Қарағандыда зейнеткер 17 млн теңгеден астам ақшасын көршісіне бергенін ұмытып қалған
Фото: ашық дереккөзі
Бөлісу
Бөлісу
Бөлісу

Қарағандылық зейнеткер 17 млн 500 мың теңгені көршісіне сақтауға бергенін ұмытып қалған, деп хабарлайды Polisia.kz порталы.

18 ақпан күні Қарағанды қалалық полиция басқармасына қарасты Орталық полиция бөліміне 64 жастағы қала тұрғыны хабарласқан. Жәбірленуші азаматша полиция қызметкерлеріне бірнеше күн ауруханада жатқанын айтқан. Белгіленген емдеу шараларын алып үйіне келген зейнеткер өзінің үйінде белгісіз ұрылардың болғанын хабарлаған. Жәбірленушінің айтуынша, белгісіз біреулер кілт арқылы оның үйіне кіріп, 5 миллион теңге және 30 мың АҚШ долларын алып кеткен. Жәбірленушіге келтірілген шығын көлемі 17 миллион 500 мың теңгені құраған.

"Аталған факт бойынша Қазақстан Республикасы Қылмыстық кодексінің 188-бабымен (Ұрлық) қылмыстық іс қозғалыпты. Полиция қызметкерлері мән-жайды анықтау барысында жәбірленуші азаматша өзінің жиған ақшасын ауруханаға жатар алдында уақытша сақтай тұру үшін көршісіне қалдырғанын есіне түсірді", - делінген ПД хабарламасында. .

Айта кетейік, көршісі зейнеткердің барлық ақшасын өзіне қайтарып берді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар