Әлеумет 25.02.2021 сағат 16:20

Елордалық екі әйел лифтіде маска тақпаған келіншекті жабылып ұрған (ВИДЕО)

"Екі әйел менің бетімнен ұрып, шашымды жұлып және мені балағаттады. Қатты ұрғандары соншалық, мен есімнен тана бастадым. Олар болса ұрып-соғуын жалғастыра берді..."
Елордалық екі әйел лифтіде маска тақпаған келіншекті жабылып ұрған (ВИДЕО)
Фото: видеодан скриншот
Бөлісу
Бөлісу
Бөлісу

Нұр-Сұлтан қаласында тұрғын үй лифтісі ішінде маска тақпау себебінен әйелдер арасында төбелес шыққан, деп хабарлады paryz.kz. 

"2021 жылдың 18 ақпаны күні лифтіде екі бөгде әйел маған жабылды. Себеп - маска тақпағаным үшін. Мен масканы алып тақпақ болдым, сонда да олар маған тап берді. Екі әйел менің бетімнен ұрып, шашымды жұлып және мені балағаттады. Қатты ұрғандары соншалық, мен есімнен тана бастадым. Олар болса ұрып-соғуын жалғастыра берді. Болмаған соң мен айғайлап, көмекке шақырдым, даусымды естіген көршілер көмекке келді. Екі әйел сол сәтте мені босата қойып, көршілердің көзінше мені нашақор және басқа да ауыр сөздер айтып, кінәлап, өздері үйлеріне кіріп кетті", - деп жазды елорда тұрғыны Дилара Омарбекова өзінің Instagram парақшасында. 

Оқиғаға қатысты қалалық Полиция департаменті түсінік берді. 

"Елордалық полиция қызметкерлері бір-бірімен жаға алысқан тұрғындарды анықтады. Екі жақ та бір-біріне шағымданып, полицияға арыз түсірді. Кикілжің тұрғын үй лифтісінде маска тақпау салдарынан туындаған. 23 жасар елорда тұрғынына лифті ішінде маска тағу керектігін ескерткен, оның соны екіжақты төбелеске айналды. Айыптылар сот-медициналық сараптама нәтижесі шыққан соң заң аясында жауапқа тартылатын болады", - делінген Полиция департаментінің хабарламасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар