Әлеумет 26.07.2021 сағат 16:20

«Жағдайлары өте ауыр»: Алматы маңында белгісіз біреулер 50-ге жуық мысықты тастап кеткен

Оның айтуынша, базар саудагерлері мысықтарды лақтырып жіберген. Мұның себебі - мысықтарға күтім жасаудың қымбат болуына байланысты.
«Жағдайлары өте ауыр»: Алматы маңында белгісіз біреулер 50-ге жуық мысықты тастап кеткен
Бөлісу
Бөлісу
Бөлісу

Алматы маңынан қала тұрғындары елуге жуық мысықты тауып алды, - деп хабарлайды Tengrinews.kz .

Марғаулар "Алтын орда" базары маңындағы шөл далада табылған. 26 шілдеге қараған түні оларды жергілікті тұрғындардың бірі тауып алған. Ер адам таңғалғанын жасырмай, оқиға орнынан видео түсіріп, әлеуметтік желілерге таратқан.

Кейін ол жерге еріктілер мен зоотехниктер келе бастаған. Олар мысықтарды тексеріп, алып кеткен. Олардың айтуынша, мысықтардың көбі инфекцияға шалдыққан болуы мүмкін, олардың жағдайы нашар.

"Адамның дауысына жүгірген мысықтар ешкімді бей-жай қалдырмады. Қаланың әр түкпірінен әртүрлі топ өкілдері таңертеңгі сағат екіде бірнеше көлікпен келіп, мысқықтарды алуға асықты. Оқиға орнына келгендер таңғалғандарын жасыра алмады. Әртүрлі жастағы 40 мысық табылды. Олардан әрүрлі инфекция табылды. Алты мысықта панлюкопения, ал басқаларында ринотрахеит расталды. Үш ауыр жағдайдағы мысық клиникаға жеткізілді. Қалғандарын таңертеңге дейін Эльмира Муллаходжаева паналатты. Басқа баспаналар да көмек көрсетті. Мұнша көп мысықты емдеу, орналастыру және тіпті тамақтандыру үшін көп ақша қажет. Достар, мысықтарды құтқарайық", - деді еріктілер.

Кейін бұл жағдайға белсенді және зоотехник Эльмира Муллаходжаева пікір білдірді. Оның айтуынша, барлық мысықтың жағдайы өте ауыр. Сондай-ақ, үй жануарларының арасында жаңа туылғандары да бар.

"Онда тағы адамдар жібереміз, өйткені түнде барлық мысықты табу мүмкін болмады. Мүмкін, кейбірі қашып кеткен болар. Қазір үш мысықты еріктілер алды. Төртеуін емханаға жібердік, қалғандары менің бақылауымда, оларға пәтер жалдадық, не боларын көреміз. Мысықтар бір ай карантинде болады", - деді ол.

Оның айтуынша, базар саудагерлері мысықтарды лақтырып жіберген. Мұның себебі - мысықтарға күтім жасаудың қымбат болуына байланысты. 

Назар аударыңыз, видеода әдепсіз сөздер айтылған!

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар