$ 449.3  489.69  4.89

«42 градусқа дейін ыстық»: Тамыз айында ауа райы қандай болады?

Бірінші онкүндіктің соңына қарай найзағай ойнап, өткінші жаңбыр басталады.

Қазгидромет тамыз айындағы ауа райына консультативтік болжам жасады деп жазады kznews.kz.

Синоптиктердің болжамына сәйкес, тамыздың басында Қазақстан аумағының басым бөлігінде ауа райы ыстық әрі құрғақ болады. Тек шығыста, елдің оңтүстік-шығысындағы таулы және тау бөктеріндегі аудандарда найзағай ойнап, өткінші жаңбыр жауады.

Еліміздің батысында, оңтүстігінде, оңтүстік-шығысында ауа температурасы түнде +20…+25°С, күндіз +35…+42°С, солтүстікте, орталықта және шығыста түнде +15…+22°С, күндіз +30…+37°С болады.

Бірінші онкүндіктің соңына қарай найзағай ойнап, өткінші жаңбыр басталады.

Кейбір өңірде жел күшеюі мүмкін. Сондай-ақ ыстық басылады деп болжанды. Республиканың оңтүстік жартысында ауа температурасы күндіз +25…+30°С, солтүстік жартысында +20…+27°С болады.

Айдың екінші онкүндігінде республиканың солтүстік жартысына суық ауа массалары түседі. Бұл ауа райының құбылуына әкеледі: жаңбыр жауады, таулы және тау бөктеріндегі аудандарда найзағай ойнап, жел күшейеді.

Солтүстік өңірлерде ауа температурасы күндіз +17…+25°С-тан +23…+30°С-қа дейін ауытқиды, ал оңтүстік өңірлерде ауа температурасы +28…+35°С болады.

Ауа температурасы күндіз +23…+28°С болатын оңтүстік өңірлерде ауа райы жылы болады, солтүстік өңірлерде ауа райы күзгі сипатқа ие болады, күндіз ауа температурасы +17…+22°С-қа жетеді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары