«Болашақпен» шетелде білім алғысы келетіндер үшін қуанышты хабар

Ғылым және жоғары білім министрі Саясат Нұрбек енді бакалавр студенттерінің "Болашақ" бағдарламасы бойынша шетелде оқи алатынын мәлімдеді, деп хабарлайды Skifnews.kz ақпарат порталы.

Бұл шешімді өткен жылы республикалық комиссия қабылдаған. Шешім білім туралы заңның бір бөлігіне өзгерістер енгізуді талап етеді.

"Біз өткен жылдың аяғында парламентке тиісті заң жобасын ұсындық. Депутаттар қолдап, өз ұсыныстарын айтты. Түзетулермен келістік. Үкімет отырысынан кейін бұл қорытынды парламентке қайтарылды. Жаңа сессия басталған кезде белсенді түрде қосыламыз. Осы жылы қабылданады. "Болашақ" бағдарламасындағы "бакалавр" санатын осылай қалпына келтіреміз", – деді Нұрбек.

Бағдарлама халықаралық олимпиадалар мен ғылыми жарыстарда жүлделі орындарға ие болған үздік түлектерге грант береді. Бұл жарыстардың тізімін Республикалық комиссия реттейтін болады

Әлемнің үздік университеттеріне өз білімімен түскен мектеп оқушылары да бағдарламаға қатыса алады.