$ 447.4 € 477.55 ₽ 4.76
Литваның бұрынғы білім және ғылым министрі Дайнюс Павалкис ҚазҰМУ-дың бірінші проректоры болып тағайындалды. Бұл туралы ҚР Денсаулық сақтау министрлігінің баспасөз қызметі мәлімдеді.
ҚазҰМУ-нің жаңа құрылымына сәйкес, Дайнюс Павалкис академиялық, ғылыми-зерттеу және клиникалық қызмет мәселелеріне жетекшілік етеді. Дайнюс Павалкис 1960 жылы 5 мамырда Каунас қаласында дүниеге келген.
Ол бір жылдары хирург болып жұмыс істеген, кейіннен Литвадағы Балтық-Америкалық ауруханасының жалпы медицина департаментінің директоры, Литва денсаулық сақтау университетінің профессоры қызметін атқарған.
2012 жылдан бастап 2015 жылға дейін Литва Республикасының білім және ғылым министрі болды. 2015 жылдан қазіргі уақытқа дейін Каунас клиникасының инновация және даму бөлімінің бастығы. Сонымен қатар, Дайнюс Павалкис зерттеу, инновация және ғылыми саясат жөніндегі сарапшылар тобында, RISEHL Еуропалық Комиссиясының консультативтік тобының мүшесі. Денсаулық сақтау бойынша Еуропалық Комиссияның ғылыми тобының SPH мүшесі. Каунас қаласы мэрінің кеңесшісі.
Дереккөз: Stan.kz
