Еліміздің жоғары оқу орындары 2016 жылдан бастап талапкерлерді өздері қоятын талаптар бойынша қабылдайтын болады, деп хабарлайды «Қазақстан жаңалықтары».
Бұл туралы еліміздің Білім және ғылым министрі Аслан Сәрінжіпов мәлім етті.
— Біз орта білімді жаңартумен қатар, жаңа бағалау жүйесін жасақтап жатырмыз. Бұл жүйе мектеп түлектерінің бітіру емтихандары ғана емес, сонымен бірге ЖОО-на түсуге де мүмкіндік бермек. Мұндағы мәселе, ЖОО-на баратын талапкерлерді ЖОО-лардың өздері қойған талаптар бойынша қабылдауына біршама мүмкіндік беруде болып тұр, — дейді министр.
Оның айтуынша, мұндай жүйе шығармашылық емтихан қабылдайтын мамандықтарда қолданылып келеді. Осылайша, 2015 жылдан бастап елімізде бағалаудың жаңа жүйесі қолданыла бастайды. Ал, арғы жылдан бастап жаңа жүйелер енгізіле бастамақ.