Білім & Ғылым 05.07.2019 сағат 13:03

Шымкентте 1200 орынға лайықталған жаңа мектеп пайдалануға берілді

Жағымды жаңалық! Бүгін Шымкент қаласында жекеменшік 1200 орындық (2 ауысымға - 2400 оқушы) жаңа мектеп пайдалануға берілді. Ғимараттың ашылу салтанатына қала әкімі Ғабидолла Әбдірахымов қатысып, білім ордасының ашылуымен құттықтады.
Шымкентте 1200 орынға лайықталған жаңа мектеп пайдалануға берілді
Бөлісу
Бөлісу
Бөлісу

Білім мекемесіне Абай Құнанбаевтың 175 жылдық мерейтойына орай ұлы ақынның есімі берілгенін айта кетейік. Мектепте балалардың толыққанды білім алуына, салауатты өмір салтын қалыптастыруға барлық жағдай жасалған деуге болады. Білім ордасында оқушылардың қолөнермен, тігін тігумен айналысуына, түрлі өнер үйірмелері мен спорттық шараларға қатысуына толық мүмкіндігі бар.

ҚР Білім және ғылым министрлігінің жаңа жүйесі бойынша осындай жекеменшік салынған мектептерге мемлекеттік тапсырыс бойынша жан басына шаққанда қаражат төленеді. Бүгінде бұл жүйеге Шымкент қаласындағы бірқатар мектептер көшкен. Мәселен, 2018-2019 оқу жылында Шымшаһардағы 11 жекеменшік мектептің 4200 оқушысы мемлекеттік сатып алу аясында қаржыландырылған айта кеткен жөн.

«SN.kz» - ақпарат»

Оқи отырыңыз

загрузка...

Соңғы жаңалықтар

Қызықты материалдар