Білім & Ғылым 01.11.2019 сағат 15:45

Студенттер арқылы еліміздегі жемқорлық жайлаған 5 университет анықталды

Сауалнамаға қатысқан әрбір 8 студент білім ордаларында сыбайлас жемқорлықтың бар екендігін растайды және әрбір 12 студенттің пара бергені айқындалды.
Студенттер арқылы еліміздегі жемқорлық жайлаған 5 университет анықталды
фото: turkystan.kz
Бөлісу
Бөлісу
Бөлісу

«Jas Otan» сыбайлас жемқорлық бойынша көзге түскен жоғары оқу орындарының рейтингін жасады, деп хабарлайды bugin.kz.

«Nur Otan» партиясының Орталық аппаратында Сыбайлас жемқорлыққа қарсы іс-қимыл жөніндегі республикалық қоғамдық кеңестің отырысы болып, онда «Таза сессия» жалпыхалықтық акциясының аралық нәтижелері талқыланды.

«Jas Otan» жастар қанатының төрағасы Дәулет Кәрібек акцияның қорытындылары туралы хабарлады.

Сонымен, «Jas Otan» белсенділері Қазақстанның барлық аймақтарындағы 15 мыңға жуық студент арасында анонимді сауалнама жүргізді. Студенттердің 12,8%-ы жоғары оқу орындарында сыбайлас жемқорлық бар деп көрсеткен. Демек, сауалнамаға қатысқан әрбір 8 студент білім ордаларында сыбайлас жемқорлықтың бар екендігін растайды және әрбір 12 студенттің пара бергені айқындалды. Сондай-ақ, университеттерде емтихан тапсырып, диссертация қорғағаннан кейін дастарқан жаю және сыйлықтар беру, т.б. «дәстүрге» айналған.

Сауалнама негізінде студенттер жемқорлық фактілері орын алады деп көрсеткен бес ЖОО рейтингі жасалды:

1. Х. Досмұхамедов атындағы Атырау мемлекеттік университеті;
2. Атырау мұнай-газ университеті;
3. Қарағанды мемлекеттік медициналық университеті;
4. М. Оспанов атындағы Батыс Қазақстан мемлекеттік медициналық университеті;
5. Қ. Жұбанов атындағы Ақтөбе өңірлік мемлекеттік университеті.

Оқи отырыңыз

загрузка...

Соңғы жаңалықтар

Қызықты материалдар