Білім & Ғылым 31.10.2019 сағат 17:20

Елордалық мектеп басшылары білім нысандарына араб шейхтерінің есімін бермек

Мысалы, шейх есімдерін беруге ұсыныс жасалған мектептер шетелдік инвестицияға салынған.
Елордалық мектеп басшылары білім нысандарына араб шейхтерінің есімін бермек
фото: publicbudget.kz
Бөлісу
Бөлісу
Бөлісу

Нұр-Сұлтан қаласының Тілдерді дамыту және мұрағат ісі басқармасының басшысы Тілеуғали Қышқашбаев елордалық мектептерге араб шейхтерінің есімін беру ұсынысы жайлы түсініктеме берді, деп хабарлайды Елорда Инфо.

«Мектеп – білім беру жүйесіндегі ең басты нысандардың бірі. Қазіргі уақытта елордамызда 87 мектеп бар. Соның ішіндегі 10 мектепке Қазақстандағы әйгілі тұлғалардың есімі берілген. Одан бөлек, қаламыздың дамуына шетелдік инвесторлар да өз үлесін қосуда. Мысалы, шейх есімдерін беруге ұсыныс жасалған мектептер шетелдік инвестицияға салынған.

Осылайша, Халифа ибн Заид әл-Нахаян атындағы гуманитарлық қор №84 мектеп-лицейінің құрылысын толықтай қаржыландырған, ал №85 мектептің құрылысын Катар мемлекетінің даму қоры қаржылай қамтамасыз еткен. Аталмыш білім беру ұйымдары инвесторлар тарапынан білім беруге қажетті барлық құралдармен жабдықталды», - деді Т. Қышқашбаев.

Әкімдіктегі мәлімдемеге сәйкес, инвесторлар мектеп құрылысынан бөлек, білім беру ордаларының материалдық-техникалық жабдықталуын да өз мойындарына алған. Жекелей алғанда, қажет болған жағдайда құрылыс жұмыстары жүргізіліп, оқу құралдары алынады.

Т. Қышқашбаевтың айтуынша, мектептерге араб шейхтерінің есімдерін беру туралы ұсыныс осы мектептердің басшыларынан келіп түскен.

2019 жылдың 3 қазанында қалалық ономастикалық комиссияда 12 білім беру орталықтарына есім беру мәселесі қарастырылып, өз шешімін тапқан. 

Түскен ұсыныс ҚР Үкіметі жанындағы Республикалық ономастикалық комиссияға қарастыру үшін жіберіледі.

Естеріңізге сала кетсек, бұдан бөлек, елордалық мектептерге Жұмабек Тәшенов, Ахмет Байтұрсынов, Бейімбет Майлин, Шәкәрім Құдайбердіұлы, Мәшһүр-Жүсіп Көпейұлы, Ілияс Жансүгіров, Міржақып Дулатов, Әлихан Бөкейхан, Сәкен Сейфуллин сынды қоғам қайраткерлерінің есімдері беріледі.

Сонымен қатар, Оқушылар сарайы Әбу Насыр әл-Фарабидің есімімен аталмақ.

Оқи отырыңыз

загрузка...

Соңғы жаңалықтар

Қызықты материалдар