Коронавирусқа байланысты 25 мамырда өтетін соңғы қоңырау маусымға ауыстырылды

Коронавирус пандемиясына байланысты елдегі 3 миллионнан астам оқушы мен 1 миллионнан астам студент оқу жылының соңына дейін қашықтан білім алады. Бұл туралы Премьер-министрдің орынбасары Ералы Тоғжанов мәлім етті. 

«Түлектерге аттестат табыстау мен соңғы қоңырау шарасы мектептерде, ашық аспан астында адамдар санын шектей отырып, 3-4 маусым күндері өтеді. Санитарлық талаптар қатаң сақталуы керек», - деді Ералы Тоғжанов брифингте.

Ал, Ұлттың біріңғай тестілеу жоспарға сәйкес, 20 маусымда басталады.

«Ұлттық бірыңғай тестілеу санитарлық шараларды сақтай отырып, штаттық режимде өтеді», - деді ол.