Білім & Ғылым 09.08.2020 сағат 12:20

«Қуатты қолдауыңызды сезініп отырмын»: Аймағамбетов барлық мұғалімдерге жеке-жеке хат жолдады

«Біз техникалық және моральдық қиындықтарға қарамастан, барлық қолайсыздықтарды жеңе аламыз. Бірге болсақ, күшіміз бен мүмкіндіктеріміз де арта түспек», - дейді министр.
«Қуатты қолдауыңызды сезініп отырмын»: Аймағамбетов барлық мұғалімдерге жеке-жеке хат жолдады
Бөлісу
Бөлісу
Бөлісу

Білім және ғылым министрі Асхат Аймағамбетов еліміздің түкпір-түкпіріндегі барлық ұстаздардың жеке почтасына хат жолдады, деп хабарлайды Skifnews.kz ақпарат порталы, Newsroom+ ақпарат агенттігіне сілтеме жасап.

«Қымбатты әріптес!
Сіз осы қиын кезеңнен отбасыңызбен бірге аман-есен өтіп, денсаулығыңызға еш қауіп төнбейтін жағдайда жүрсіз деген үміттемін. Сізге пандемия жағдайындағы баға жетпес ұстаздық еңбегіңіз үшін, жанкешті жұмысыңыз бен кез келген уақытта балаларымызға тіреу болуға деген ізгі ниетіңіз үшін шын жүректен алғысымды білдіремін. Біз сізбен осынау қиын уақытты еңсеру жолындамыз. Коронавирус пандемиясы баршамыздың тұрмыс-тіршілігімізге әсер етті. Сүрінбей өтуге тиіс түрлі сынақтарға толы уақыт басталды» делінген министрдің жолдаған хатында.

Еске сала кетсек, осыдан екі апта бұрын Сыбайлас жемқорлыққа қарсы іс-қимыл агенттігінің төрағасы Алик Шпекбаев Цифрлық даму мен Білім және ғылым министрлігінің шенеуніктеріне қатысты қылмыстық іс қозғалғандығын мәлімдеген еді. Алайда, көпшілік Білім және ғылым министрі өзіне тиесілі жұмысты нақты атқарып жатқандығын айтып, елге тигізген игі істерін ескеруін сұрады. Әлеуметтік желілерде белгілі қоғам қайраткерлерінен бастап, қарапайым халыққа дейін Аймағамбетовтің мүддесін қорғады.

Ұстаздарға жолданған хат соңын министр былай аяқтады:

«Алғыс айтудың ешқашан артықшылығы болмайды. Сондықтан мен сізге төртінші тоқсанда атқарған ерен еңбегіңіз үшін тағы бір мәрте рақметімді айтқым келеді. Сіз – нағыз батырсыз. Сіздің қуатты қолдауыңызды сезініп отырмын. Сол себепті де ертең балаларымыздың білімін жетілдіру жолында еш кедергі болмайтынына сенемін.

Біз техникалық және моральдық қиындықтарға қарамастан, барлық қолайсыздықтарды жеңе аламыз. Бірге болсақ, күшіміз бен мүмкіндіктеріміз де арта түспек. Қиын кезеңдер өтеді де кетеді, сынаққа сынбай, болашағына сенген жігері мықты адамдар ғана бәрін жеңеді! Жаңа оқу жылында жолыққанша!».

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар