Білім & Ғылым 12.01.2022 сағат 16:20

«Қаза болғандардың балалары университетте тегін оқиды» - Аймағамбетов

Жетекші ЖОО-ларында грант бөлінеді
«Қаза болғандардың балалары университетте тегін оқиды» - Аймағамбетов
Фото: ашық дереккөз
Бөлісу
Бөлісу
Бөлісу

Қоғамдық тәртіпті сақтау кезінде қаза болғандардың балалары университетте тегін оқиды. Бұл туралы білім және ғылым министрі Асхат Аймағамбетов Үкімет отырысында айтты, деп хабарлайды Bugin.kz порталы. 

- Қоғамдық тәртіпті сақтау кезінде міндеттерін өтеу барысында қаза тапқан әскери қызметшілер, құқық қорғау және арнаулы мемлекеттік орган қызметкерлерінің балалары университетте оқуы үшін білім грантын беру ұсынылады. Бұл да Мемлекет басшысының тапсырмасы аясында жүзеге асырылады. Білім және ғылым министрлігі Президенттің берген тапсырмаларын уақытылы әрі сапалы жүзеге асырады, - деді министр.

Сонымен қатар, Аймағамбетов жоғары білімге қолжетімділікті арттыру бойынша халық тығыз орналасқан өңірлер мен білім беру саласында үлкен алшақтығы бар өңірлерде нысаналы грант бөлінетінін айтты.

- Гранттар Қазақстанның жетекші ЖОО-ларында оқу үшін бөлінеді. Олар оқу бітірген соң негізгі тұратын жер бойынша жұмыс өтеу көзделеді. Президенттің техникалық мамандыққа басымдық беру тапсырмасы негізінде бұл саладағы грант саны 60 пайызға көбейеді, - деді ол.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар