$ 441.66 € 475.14 ₽ 4.86
Мемлекет басшысы Қасым-Жомарт Тоқаев «Орталық Азия + Шығанақтағы араб мемлекеттерінің ынтымақтастық кеңесі» бірінші саммитінде сөз сөйледі, деп хабарлайды Ақорда.
Президент ең алдымен, Қос киенің сақшысы – Король Салман бен Әбделазиз Әл Саудқа және Сауд Арабиясының Тақ мұрагері, Премьер-министрі Мұхаммед бен Салманға шынайы алғысын білдірді.
Бүгін «Орталық Азия + Шығанақтағы араб мемлекеттерінің ынтымақтастығы кеңесінің» жоғары деңгейдегі бірінші саммитіне қатысып отырғаныма қуаныштымын. Бұл – мен үшін зор мәртебе. Осы тарихи кездесу бәріміз үшін қасиетті жерде бірлік пен өзара қолдау жағдайында өтіп жатыр. Соның арқасында елдеріміздің бауырластығы және достығы нығая түсетіні сөзсіз, - деді Қасым-Жомарт Тоқаев.
Сонымен қатар мемлекет басшысы екі ел арасындағы ынтымақтастықты одан әрі нығайту үшін бірнеше басым бағыт бойынша пікірін ортаға салды.
"Ең алдымен, бұл – сауда-экономикалық байланыстарды кеңейту.
Соңғы жылдары біздің аймақтың ынтымақтастық кеңесі елдерімен сауда-саттығы қарқынды дами бастады. Мұны ерекше атап өткен жөн. Бірақ көрсеткіштер біздің әлеуетіміздің толық пайдаланылмай отырғанын көрсетеді. Тауар айналымын айтарлықтай арттыру үшін бізде барлық мүмкіндік бар.
Ол үшін өзара сауда номенклатурасын ұлғайту қажет", - деп атап өтті Тоқаев.
Сондай-ақ Қазақстан қысқа мерзімде құны шамамен 400 миллион доллар болатын 100 түрлі тауар экспорттауға дайын екенін айтты.
