Тоқаев Әзербайжанға барды

Мемлекет басшысы Қасым-Жомарт Тоқаев жұмыс сапарымен Әзербайжан астанасы Бакуге барды, деп хабарлайды  Skifnews.kz ақпарат порталы.

Президенттің баспасөз қызметінің мәліметінше, мемлекет басшысы БҰҰ-ның Орталық Азия елдері экономикаларына арналған арнайы бағдарламасының (СПЕКА) саммитіне қатысады. 

Қазақстан президентін әуежайда Әзербайжан Республикасы премьер-министрінің бірінші орынбасары Ягуб Эйюбов, Сыртқы істер министрінің орынбасары Самир Шарифов және басқа да ресми тұлғалар күтіп алды.