Жәнібек Әлімханұлының кезекті жекпе-жегінің күні белгілі болды

Жәнібек Әлімханұлы мен британиялық нокаутшы арасындағы жекпе-жектің уақыты белгілі болды, деп хабарлады Skifnews.kz ақпарат порталы.

Boxingscene.com журналисі Джейк Донован WBO/IBF тұжырымдары бойынша орта салмақтағы әлем чемпионы қазақстандық Жәнібек Әлімханұлы (15-0, 10 КО) мен британиялық қарсыласы Хамза Шираз (19-0, 15 КО) арасындағы ықтимал жекпе-жек туралы инсайдты бөлісті.

Бір күн бұрын Әлімханұлы мен Шираз Эр-Риядтағы Энтони Джошуа - Франсис Нганну бокс кешінде бетпе-бет кездесті. Хамзаның Queensbury Promotions промоутерлері мұндай жекпе-жек ұйымдастыруға дайын екендерін мәлімдеді.

Хамза Ширазға қатысты екі қауесет бар. Солардың бірінің айтуынша, маусым айында ол орта салмақтағы чемпион Жәнібек Әлімханұлымен жұдырықтасады. Мен әртүрлі көздерден естіген басқа қауесеттерге сәйкес, ол Matchroom Boxing vs. Queensbury Promotions турнирінде "беске бес" форматта Остин Уильямспен кездеседі, - деп жазды Донован әлеуметтік желіде.

Естеріңізге сала кетейік, Хамза Шираз орта салмақтағы WBO рейтингінде бірінші орында, сонымен қатар WBC рейтингінде екінші орында тұр.