Осы орайда Президент геосаяси тұрақсыздық белең алған күрделі кезде мұның мән-маңызы айрықша екенін атап өтті.
Бүгін елордадағы Тәуелсіздік сарайында Президент Қасым-Жомарт Тоқаев Әлемдік және дәстүрлі діндер көшбасшыларының VIII Cъезін қорытындылады, деп хабарлайды Skifnews.kz ақпарат порталы.
- Бірнеше күннен бері елордамызда түрлі мәдениет пен өркениет өкілдері бас қосып жатыр. Меймандарымыздың діні мен ділі бөлек болса да, тілегі мен ниеті бір екенін сөзсіз. Съездің қорытынды декларациясы - соның айқын дәлелі. Құжатта ортақ идеялар мен ұсыныстар көрініс тапты. Жалпы, форумның түпкі мәні де - осы. Біз құрмет пен сыйластыққа негізделген сындарлы диалогтың куәсі болдық. Ең бастысы, дінбасылар ортақ мүдде жолында күш біріктіруге дайын екенін көрсетті. Шын мәнінде, салмақты және сындарды диалог - нағыз даналықтың көрінісі. Сіздер бүкіл әлемге көрегендік пен парасатталықтың үлгісін көрсетіп отырсыздар, - деді Қасым-Жомарт Тоқаев.
Осы орайда Президент геосаяси тұрақсыздық белең алған күрделі кезде мұның мән-маңызы айрықша екенін атап өтті.
Айта кетейік, бүгін елордада әлемдік діндер көшбасшылары съезінің декларациясы қабылданды.
Cъезд қатысушылар қабылдаған «Астана бейбітшілік декларациясы 2025» БҰҰ Бас Ассамблеясы 80-сессиясының ресми құжаты ретінде таратылады.