$ 444.22 € 476.38 ₽ 4.82
Қырғыз елінің президенті Алмазбек Атамбаевтың жуырда ғана Қазақстан билігі мен Нұрсұлтан Назарбаев туралы айтқан мәлімдемесінен кейін ҚР Орталық сайлау комиссиясы Қырғызстандағы сайлауға бақылаушы ретінде қатыспайтынын мәлімдеді.
«Қырғыз Республикасының Президенті А. Атамбаевтың жақындағы айтқысыз мәлімдемесінің нәтижесінде Қазақстан Республикасы Орталық сайлау комиссиясы Қырғыз Республикасы Сайлау және референдумдар жөніндегі орталық комиссиясы мен Қазақстан Республикасы Орталық сайлау комиссиясының арасындағы өзара түсіністік туралы қолданыстағы екі жақты меморандум шеңберінде жеке субъект ретінде 2017 жылғы 15 қазандағы Қырғыз Республикасы Президентінің сайлауына қатысудан бас тартуды шешті, ол туралы қырғыз тарапын хабардар етті», - делінген Орталық сайлау комиссиясының таратқан хабарламасында.
Еске салайық, осыдан бірнеше күн бұрын Қырғызстан президенті елде 15 қазан күні өтетін сайлауға Қазақстан билігі ықпалын жүргізіп отыр деп, қазақстандық тарапты айыптаған болатын.
