Украинаның Ұлттық құндылықтар институтын басқаратын Владимир Вятрович 5-канал тілшісіне берген сұхбатында биліктен КСРО-ны ресми түрде «отарлаушы» ел деп атауды талап етіп, биліктен Украинаның КСРО құрамында болған уақытын жауланған кезең деп белгілеу керектігін айтты.
«Мен кеңестік оккупация жайында айтып отырмын. Олар алдымен большевиктік, кейін коммунистік отарлау режимін орнатты», — деді ол. Ғалымның пікірінше, 2017 жылы «большевиктік агрессияның» басталғанына тура 100 жыл толған.
Ол сондай-ақ, қазіргі Украинаны 1917-1921 жылдары өмір сүрген Украина ұлттық республикасының (УҰР) заңды мұрагері ретінде мойындауды да талап етуде.
«Бұл үлкен ақпараттық науқанға айналуы тиіс және оның ауқымын күн сайын кеңейтіп отыру керек. Украинаны УҰР мұрагері деп мойындап, тарихты шынайы зерттейтін болсақ КСРО-ның негізмі мақсатын айқындай аламыз», — деп түйді ол.
«SN.kz» ақпараттық порталына гиперсілтеме жасалған жағдайда ғана материалдарды қолдануға рұқсат етіледі. Ақпараттан дәйексөз алынғанда міндетті түрде сілтеме жасалуы тиіс. Жазбаша түрде рұқсат берілмеген жағдайда материалдарды коммерциялық мақсаттарға пайдалануға болмайды.
skifnews.kaz@gmail.com
