Саясат 01.09.2015 сағат 05:30

Депутаттар демалыстан оралды

Жоғарғы және төменгі палата депутаттары каникулдан оралып, бүгіннен бастап жұмыстарына кірісті. Осыған орай бүгін Астанада Мәжіліс пен Сенат депутаттарының Қазақстан Парламентінің бесінші сессиясының V шақырылымының  бірлескен отырысы өтіп жатыр.

Бөлісу
Бөлісу
Бөлісу

Парламенттің биылғы сессиясында жаңа депутаттар жұмыстарына кіріседі. 26 тамызда Қазақстан Республикасының Президенті Нұрсұлтан Назарбаев Рашид Түсіпбековті Қазақстан Республикасы Жоғары Сот Кеңесінің Төрағасы қызметінен босатып, Қазақстан Республикасы Парламенті Сенатының депутаты етіп тағайындаған болатын. 27 тамызда Қазақстанның Орталық сайлау комиссиясы ҚР Парламенті Мәжілісінің депутаты ретінде Қанат Саудабаевты тіркеді. Сонымен қатар, Мемлекет басшысының жарлықтарымен Қазақстан Республикасы Парламенті Сенатының депутаттары Серік Нөгербекұлы Нөгербековтің және Ерлан Зайроллаұлы Нығматулиннің өкілеттіктері тоқтатылды. 

Айта кетейік, 25 тамызда Ақордада Мемлекет басшысының қатысуымен Жаңғырту жөніндегі ұлттық комиссияның отырысы өтіп, бес институционалдық реформаның жүзеге асырылу барысы туралы есеп тыңдалды. Мемлекет басшысы жаңғыртудың әрбір бөлігі бойынша нақты қадамдар көзделгенін атап өтті. "Бүгінгі таңда комиссия үлкен жұмыс атқарды. Біз қолданыстағы заңнамаға өзгеріс енгізуге бағытталған актілердің жобасын тыңғылықты қарауды қажет ететін кезеңге келіп жеттік. Қазірдің өзінде 57 заң жобасы әзірленді, соның 29-ын Үкімет 1 қыркүйекте Парламенттің қарауына енгізеді", - деді Қазақстан Президенті.

tengrinews.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар