Саясат 05.12.2019 сағат 22:30

Белсендінің «көлігіне иттің басын тастап кеткендерді» табуды талап етті

Жиналғандар әуелі департамент алдында өз талаптарын оқыды. Белсенділердің өтінішін оқыған Данияр Байтілеу департамент басшысы Ералы Жұмаханбетовтен Мұхаммедовке "қоқан-лоқыны" кім жасағанын анықтап, белсенділерді қудаламауды, үйлерін аңдуды тоқтатуды талап етті.
Белсендінің «көлігіне иттің басын тастап кеткендерді» табуды талап етті
Фото: azattyq.org
Бөлісу
Бөлісу
Бөлісу

5 желтоқсанда түстен кейін жиырма шақты белсенді Шымкент қалалық Полиция департаментінің алдына жиналып, белсенді Нұржан Мұхаммедовтің көлігінің терезесін шағып, дөңгелегін жарып, иттің басын тастап кеткендерді табуды талап етті,-деп хабарлайды Азаттық радиосы.

19 қарашада жергілікті белсенді Нұржан Мұхаммедов белгісіз біреулердің көлігінің терезесін шағып, иттің басын тастап кеткенін айтып, мұны "азаматтық белсенділігімен" байланыстырған еді. Нұржан Мұхаммедовтің Азаттыққа айтуынша, осыған дейін дүкені тоналып, жеке көлігінен телефоны да ұрланған.

Жиналғандар әуелі департамент алдында өз талаптарын оқыды. Белсенділердің өтінішін оқыған Данияр Байтілеу департамент басшысы Ералы Жұмаханбетовтен Мұхаммедовке "қоқан-лоқыны" кім жасағанын анықтап, белсенділерді қудаламауды, үйлерін аңдуды тоқтатуды талап етті. Белсенділер департамент басшысы "Ералы Жұмаханбетов халықтың алдына шықсын!" деп айқайлады.

Департамент өкілі белсенділерді ішке телефонсыз кіруге шақырды. Азаттық тілшісіне белсенділер мен департамент басшысының кездесуіне кіруі үшін алдын ала арнайы хат тастау керектігін ескертті.

19 қарашада Нұржан Мұхаммедов "иттің басын тастаған" белгісіз біреулердің көлік есігінің сыртына балағат сөздер жазып кеткенін де айтқан. Полиция қараша айының соңында белсендінің шағымы негізінде "Бұзақылық" бабы бойынша қылмыстық іс қозғаған.

20 қараша күні ондаған белсенді қалалық полицияға келіп, Нұржан Мұхаммедов пен оның отбасының қауіпсіздігін қамтамасыз етуді талап еткен. Олар полицияға 1 желтоқсанға дейін кінәлілерді тауып, табылмаған жағдайда полиция басшыларының отставкасын талап ететіндіктерін айтқан. Ал департамент басшысы белсенділерді қабылдап, істі бақылауға алатынын мәлімдеген.

Оқи отырыңыз

загрузка...

Соңғы жаңалықтар

Қызықты материалдар