«Біз болған жағдайға қатты өкінеміз!»: Иран украиналық лайнердің апатқа ұшырауына кінәлі екендіктерін мойындады

Апаттың себебі - «адами фактор». Иранның сыртқы істер министрі Мохаммад Джавад Зариф қателік дағдарыс кезеңінде АҚШ-тың «авантюризміне» байланысты деп түсіндірді.

Фото: Sputniknews.kz

Иран украиндық Боинг 737-800 жолаушылар ұшағы абайсызда атылып кетті деп мәлімдеді. Бұл туралы Associated Press Иран билігінің ресми мәлімдемесіне сілтеме жасап хабарлады, деп жазады Skifnews.kz ақпарат порталы.

«Біз болған жағдайға қатты өкінеміз! Халқымыздан және қайғылы оқиғадан қаза болғандардың барлығының отбасыларынан кешірім сұраймыз және көңіл айтамыз», - деп жазды министр өзінің Twitter-дегі парақшасында.

Украинаның халықаралық әуе жолдарының (UIA) Боинг 737-800 ұшағы 8 қаңтарда Тегеран әуежайынан ұшып шыққаннан кейін бірнеше минуттан кейін өртке оранды және апатқа ұшырағаны туралы ақпарат жариялаған болатынбыз. Борттағы 176 адамның барлығы қайтыс болды. Қаза болғандардың басым көпшілігі Иран мен Канада азаматтары.

A sad day. Preliminary conclusions of internal investigation by Armed Forces:

Human error at time of crisis caused by US adventurism led to disaster

Our profound regrets, apologies and condolences to our people, to the families of all victims, and to other affected nations.
?
— Javad Zarif (@JZarif) 11 января 2020 г.