$ 448.15  483.46  4.86

«Біз- біргеміз» деген бос ұран емес»: Дәурен Абаев Президенттің үндеуіне пікір білдірді

Президенттің кешегі үндеуі халық үніне құлақ асатын мемлекеттік концепцияның табысты іске жатқанын және оның өміршең екендігіне айқын дәлел.

Ақпарат және қоғамдық даму министрі Дәурен Абаев президент үндеуінің астарында тек экономикалық сипат емес, сонымен қатар идеологиялық мүдде бар екендігін ашып айтты, деп хабарлайды Stan.kz.

"Президенттің кешегі үндеуі халық үніне құлақ асатын мемлекеттік концепцияның табысты іске жатқанын және оның өміршең екендігіне айқын дәлел. Себебі өздеріңіз білетіндей айтылған шаралар қазіргі уақытта қиындыққа кездесіп отырған азаматтардың, кәсіпкерлердің, ауыл шаруашылығы өкілдерінің өтініштілектерін ескерді. 

Қазір біз аса күрделі уақытта тұрмыз. Сондықтан мемлекет басшысының үндеуі - тек қана экономикалық емес, ең алдымен идеологиялық астары да бар дүние. Осында біз көзқарасымыздың, идеямыздың, ұлтымыз бен дініміздің әртүрлі екендігіне қарамастан, біртұтас халық екенімізді түсіну керек. "Біз- біргеміз" деген бос ұран емес. Ол халқымыздың талай қиыншылықтардан аман алып шыққан өмірлік ұстанымы. Бүгін мемлекет басшысы бізді бірігуге, халыққа деген қамқорлық үлгісін көрсетуге шақырды", - дейді Абаев.  

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары