Саясат 06.05.2020 сағат 02:25

«Қазақстандық бауырларымызға қажетті көмек көрсетуге дайынбыз» - Шавкат Мирзиеев

«Бұл техногендік күтпеген апат тек біздің тұрғындарға ғана емес, сонымен бірге көрші қазақ бауырларымызға да үлкен зиян келтіргені өте ұятты болды», - дейді ол.
«Қазақстандық бауырларымызға қажетті көмек көрсетуге дайынбыз» - Шавкат Мирзиеев
фото: sputniknews.kz
Бөлісу
Бөлісу
Бөлісу

Өзбекстан Президенті Шавкат Мирзиеев Сырдария облысындағы су қоймасы бөгетінің бұзылуынан су басқан Қазақстанның Түркістан облысындағы елді мекендерде апат салдарын жоюға қажетті көмек беруге дайын екенін білдірді, деп хабарлайды Skifnews.kz ақпарат порталы, ӨзА агенттігіне сілтеме жасап.

Өзбекстан Президенті баспасөз қызметінің мәліметінше, 27 сәуірге қараған түні апат кезінде Бұхара мен Сырдария облыстарындағы 38 мыңнан астам үйге, 847 әлеуметтік нысан мен егістіктерге залал келген.

«Біз табиғи апаттың зардабын жою үшін барлық қажетті шараларды қолданудамыз. Үкіметтік комиссия тәулік бойы жұмыс істеп тұр. Бүгінге дейін әлеуметтік нысандардың 70 пайызы және үйлердің 20 пайызының шатырлары жабылған. Сонымен қатар, 5 000 шақырым электр желісі, 1100 трансформатор жөнделген...

Өкінішке қарай, осы уақытқа дейін табиғи апат салдарынан 4 азаматымыз қайтыс болды, 1 адам хабар-ошарсыз кетті. Қаза тапқандардың отбасы мен жақындарына қайғырып көңіл айтамын», - деді Шавкат Мирзиеев, Бұхара мен Сырдарияда болған апатқа қатысты жиында.

Оның айтуынша, су қоймасында болған жағдайға байланысты халықаралық сарапшыларды тарта отырып, барлық бөгеттерге терең сараптама жүргізілмек.

«Өкінішке орай, Сардобадағы апат салдарынан көршілес Қазақстан Республикасы Түркістан облысының Мақтарал ауданындағы елді мекендерді де су басты. Біз Қазақстан Президенті Қасым-Жомарт Тоқаевпен телефон арқылы сөйлесіп, бұл мәселені өзара түсіністікпен, ашық әрі кеңінен талқыладық. Кеше Түркістан облысының әкімі Өмірзақ Шөкеев бастаған делегация оқиға орнына барып, жағдайды жан-жақты зерттеді», - деді бейнеконференцияда Өзбекстан Президенті.

Сондай-ақ, ол: «Бұл техногендік күтпеген апат тек біздің тұрғындарға ғана емес, сонымен бірге көрші қазақ бауырларымызға да үлкен зиян келтіргені өте ұятты болды. Олардың мекендейтін жеріне және егістік алқаптарына зиян келтірілгеніне де өкінеміз», - деді.

Айтуынша, Үкімет, тиісті министрліктер мен ведомстволар, жергілікті билік органдары, басқа да шенеуніктер мен сарапшылар өздерінің қазақстандық әріптестерімен бірге табиғи апаттардың салдарын жою үшін тығыз жұмыс істемек.

«Сондай-ақ, біз табиғи апаттың салдарын жоюда қазақстандық бауырларымызға қажетті көмек көрсетуге дайын екенімізді білдірдік. Біз бұл қиындықтарды халқымызбен бірге, өзара ынтымақты түрде жеңетінімізге сенімдімін», - деді Шавкат Мирзиеев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар