Кеше Алматы қаласының әкімі Бақытжан Сағынтаев Премьер-министр Асқар Маминнен Көк-Жайлау жерлерін Іле-Алатау мемлекеттік ұлттық табиғи паркінің құрамына қайтаруды сұрады, деп хабарлайды Skifnews.kz ақпарат порталы.
«Экологтармен жиі кездесемін. Көк-Жайлаудың тағдыры туралы көп айтылады. Осы мәселеге нүкте қою үшін бүгін Премьер-министрдің атына бұл жерлерді қала қорынан Іле-Алатау мемлекеттік ұлттық табиғи паркінің құрамына қайтару туралы өтініш хат жаздым», - деді Сағынтаев Twitter парақшасында.
Бұған дейін Экология, геология және табиғи ресурстар вице-министрі Ерлан Нысанбаев Көк-Жайлауда тұрғызылған қосалқы станцияға демонтаж жасалатынын айтқан еді.
Еске сала кетсек, 2019 жылдың 29 қазанында Президент Қасым-Жомарт Тоқаев «Көк-Жайлау» тау-шаңғы курортының құрылысына тыйым салған болатын.