Саясат 22.06.2020 сағат 09:40

«Ізбасарды іздеумен емес, жұмыспен айналысу қажет» - Путин

Мәскеуде қақтығыстар болып жатқан, өткір ішкі саяси дағдарыс жағдайында қабылданды.
«Ізбасарды іздеумен емес, жұмыспен айналысу қажет» - Путин
фото: gazeta.ru
Бөлісу
Бөлісу
Бөлісу

 Ресей Федерациясының Президенті Владимир Путин ел Конституциясына тиісті өзгертулер енгізілген жағдайда президентікке жаңа мерзімге өз кандидатурасын ұсынатынын жоққа шығармады. Ол бұл туралы «Россия-1» телеарнасында көрсетілген «Ресей. Кремль. Путин» фильмі үшін берген сұхбатта айтты, деп хабарлайды ҚазАқпарат, ТАСС агенттігіне сілтеме жасап.

«Өзім үшін әлі шешім қабылдамадым. Егер Конституцияда мүмкіндік жасалса, сайлауға түсуім туралы ықтималдылықты жоққа шығармаймын. Оны алдағы уақыт көрсетеді», - деді ол. 

Бұл ретте, В.Путин шенеуніктерге оның ізін басатын адамды қазірден іздеп кетпей, өз жұмыстарымен айналысуды ескертті. 
«Ізбасарды іздеумен емес, жұмыспен айналысу қажет», - деді РФ басшысы. Ресей Президенті Конституцияға өзгеріс енгізу ұсынысы өте орынды екеніне сенімді.

 «Қолданыстағы Конституцияға түзетулер қабылдап жатқанымыз өте дұрыс екеніне кәміл сенемін», - деген ол, соңғы айлардағы оқиғалар соған дәлел бола алатынын айтып өтті. 

«Қазіргі Конституция ерекше кезеңде – танкілер парламентке оқ жаудырып, Мәскеуде қақтығыстар болып жатқан, өткір ішкі саяси дағдарыс жағдайында қабылданды», - деп еске салды ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар