Саясат 12.08.2020 сағат 00:27

Карантин шараларын жеңілдету мәселесі талқыланып жатыр

Комиссия отырысында карантиндік шараларды кезең-кезеңімен алып тастауға дайындық жөніндегі шаралар сөз болған.
Карантин шараларын жеңілдету мәселесі талқыланып жатыр
фото: kursiv.kz
Бөлісу
Бөлісу
Бөлісу

Премьер-Министрдің орынбасары Е.Тоғжановтың төрағалығымен ведомствоаралық комиссия эпидемиологиялық жағдайды одан әрі тұрақтандыру және карантиндік шараларды кезең-кезеңімен алып тастауға дайындық жөніндегі шаралар кешенін қарады, деп хабарлайды Skifnews.kz ақпарат порталы primeminister.kz сайтына сілтеме жасап.

Денсаулық сақтау министрлігінің өкілдері және бас мемлекеттік дәрігер эпидемиологиялық жағдайды тұрақтандыру көрсеткіштері және күшейтілген санитарлық-дезинфекциялық режимде карантин шараларын жеңілдетудің ықтимал жолдары туралы баяндады.

Сонымен қатар аурудың өсуіне жол бермеу мақсатында өңірлердің жұмысын бақылау үшін бірқатар жаңа индикаторлар ұсынылды. Е. Тоғжанов Денсаулық сақтау министрлігі мен өңірлердің басшыларына эпидемиологиялық жағдайды қатаң бақылауда ұстауды және сырқаттанушылық көрсеткішін одан әрі төмендетуді қамтамасыз етуді тапсырды.

Сондай-ақ, вице-премьер өңір басшыларына COVID-19-пен күресуде зардап шеккен медицина қызметкерлеріне өтемақының уақтылы төленбеуі туралы әр факті бойынша шаралар қабылдауды тапсырды. «Өңірлер мониторингтік топтардың жұмысының тиімділігін арттыруы керек. Қажеттінше, жағдайды одан әрі жақсарту үшін ведомстволар мен жергілікті билік желісі бойынша қосымша шараларды пысықтау керек. Тұрғындармен алдын алу жұмыстарына, бірінші кезекте, маска режимін және әлеуметтік қашықтықты сақтауға ерекше күш-жігер жұмсау қажет», - деп атап өтті Е. Тоғжанов.

Еске салсақ, бүгін Үкімет отырысында Премьер-Министр Асқар Мамин карантин шараларын алып тастау жоспарын мемлекеттік комиссия қарауына енгізуді тапсырды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар