Саясат 16.09.2020 сағат 17:20

«Лукашенко биліктен өз еркімен кетсе, оның қауіпсіздігіне кепілдік беремін» - Светлана Тихановская

Лукашенко қауіпсіздігінің кепілі туралы сауалға ол президент "одан да көп" нәрсе алады деп жауап берді.
«Лукашенко биліктен өз еркімен кетсе, оның қауіпсіздігіне кепілдік беремін» - Светлана Тихановская
Фото: centralasian.org.
Бөлісу
Бөлісу
Бөлісу

Беларусь президент сайлауында кандидат болған Светлана Тихановская президент Александр Лукашенко биліктен өз еркімен кетсе, оның қауіпсіздігіне кепіл беретінін мәлімдеді. Бұл туралы Тихановская украиналық "Левый берег" басылымына берген сұқбатында айтты, деп хабарлайды centralasian.org.

"Талқыланады. Әлбетте, ол өз еркімен кетсе, мұндай мәселені қарастыруға болады. Сенімді түрде айта алам. Мен барлық адамдар атынан сөйлеуім керек. Бұл мәселеде көпшіліктің пікірі де ескеріледі", – деп мәлімдеді ол.

Лукашенко қауіпсіздігінің кепілі туралы сауалға ол президент "одан да көп" нәрсе алады деп жауап берді.

Бұның алдында Лукашенко "билік тастап кету, тапсыра салу үшін берілмейді" деп мәлімдеген.

"Көп сөз болмас үшін, ер азамат ретінде айтайын. "Ол билікті бермейді" деп сынаушылар бар. Дұрыс. Мені халық билікті бере салсын деп сайлаған жоқ. Билік тастап кету, тапсыра салу үшін берілмейді", – деп мәлімдеді Лукашенко 10 қыркүйекте.

Беларусьте бір айдан астам уақыттан бері жаппай наразылық шерулері өтіп жатыр. Акция Орталық сайлау комиссиясының президент сайлауында Лукашенко 80 пайыздан астам дауыс жинады деп жариялаған соң басталды. Светлана Тихановская штабы сайлаудың ресми нәтижесін мойындамады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар