Саясат 18.11.2020 сағат 03:22

Белгілі журналист депутат болуға бел буғанын мәлімдеді

Нар тәуекел! Азаматтық қоғамның дамуына титтей де болса үлес қоссам деймін.
Белгілі журналист депутат болуға бел буғанын мәлімдеді
фото: stan.kz
Бөлісу
Бөлісу
Бөлісу

Белгілі журналист, «QAZAQSTAN» Ұлттық арнасының бас продюсері Мақсат Толықбай желтоқсан айының бірінен бастап эфирден кететінін мәлімдеді, деп хабарлайды Skifnews.kz ақпарат порталы.

«Әріптесім, журналист Дина Елгезек «Мақсат Толықбайдың саяси науқанның алдында неге саяси белсенділігі арта түседі?» деп жазыпты. Былтырғы сайлауды меңзеген болар. Ринат Заитовты босатуын талап етіп, екі сағатта үш мың адам жиналған едік. Осы жолы жарқ етіп біреу шықса қолдауға дайын едім. Күттім...

Ашығын айтайық, жаңа партия тіркетуге мүмкіндік жоқ. Мажоритарлы емес, пропорционалды жүйе болғандықтан, жеке округтен де түсе алмайсың. Қазіргі жүйеде байкот жариялау да іске аспайды.

Бірнеше партиядан ұсыныс түсті. Ұзақ ойландым.  Қысқасы, алдағы сайлауда «АДАЛ» партиясының атынан кандидат ретінде қатыспақпын. Неге? Өйткені «Адалдағы» жастардың үлесі 60 пайыз болған соң. Қазір қоғам нақты қадамдар күтеді. Парламент заң шығарушы орган ғана емес, онда қоғамның ең өзекті мәселелері түгел айтылуы керек. Бағымды сынап көрейін. Ештеңе істемеген адам ғана қателеспейді. Нар тәуекел! Азаматтық қоғамның дамуына титтей де болса үлес қоссам деймін.

Өткенде естеріңізде болса «Журналист саяси партияда болмауы тиіс», - деген едім. Қысқасы, бірінші желтоқсаннан бастап  эфирден кетемін»,- деп жазған ол өзінің Facebook парақшасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар