Саясат 30.12.2020 сағат 18:20

Сегіз айлық баласын аязда қалдырған әйел қылмыстық жауапкершіліктен босатылды

Оған 10 АЕК мөлшерінде айыппұл салынды.
Сегіз айлық баласын аязда қалдырған әйел қылмыстық жауапкершіліктен босатылды
фото: azattyq-ruhy.kz
Бөлісу
Бөлісу
Бөлісу

Павлодарда аязда кішкентай ұлын аялдамада қалдырып кеткен әйелге қатысты қылмыстық іс тоқтатылды. Айыпталушы кінәсін мойындап, жәбірленуші тараппен татуласты, деп хабарлайды sputnik.kz сайты.

Әйел өз кінәсін толық мойындады. Іс бойынша жәбірленуші тарап –  баланың әжесі болса, сотталушы – баланың анасы.

26 қарашада кешкі сағат сегіз шамасында 33 жастағы әйел бір жарым жасар ұлымен бірге Семей қаласынан Павлодар теміржол вокзалына таксимен келген. Сол жерде баланы -11 градус аязда трамвай аялдамасында қалдырып кеткен. Баланың жалғыз қалғанын байқаған тұрғындар бірден полиция шақырған.

Полиция мен еріктілер анасын іздеп, бір сағаттан кейін тапты. Оған қатысты Қылмыстық кодекстің 119-бабы 1-бөлігі (қауіпті жағдайда қалдыру) бойынша іс қозғалды.

Осы уақытқа дейін бала тоғыз жастағы ағасымен бірге Екібастұздағы әжесінің үйінде тұрды. Сотталушы тұрмыс құрмаған, сонымен қатар көптен бері баласынан құтылғысы келіп жүрген.

Судья Думан Серікбаевтың айтуынша, 25 желтоқсанда әйел Әкімшілік кодекстің 127-бабының 1-бөлігі бойынша әкімшілік жауапкершілікке тартылды. Ол бапта кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау қарастырылған.

Он айлық есептік көрсеткіш (27 780 теңге) мөлшерінде айыппұл салынады. Осыған байланысты отбасы қорғаншылық және қамқоршылық органына есепке қойылды.

Қаулы заңды күшіне енген жоқ.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар