Саясат 23.01.2021 сағат 11:17

ҚР Сыртқы істер министрлігі маңызды мәлімдеме жасады

2019 жылдың 3 шілдесінде президент Қасым-Жомарт Тоқаев "Ядролық қаруға тыйым салу туралы шартты ратификациялау туралы" заңға қол қойды.
ҚР Сыртқы істер министрлігі маңызды мәлімдеме жасады
Фото: Владислав Воднев
Бөлісу
Бөлісу
Бөлісу

Сыртқы істер министрлігі ядролық қаруға тыйым салу туралы шарттың күшіне енуіне орай мәлімдеме жасады.

"Қазақстан ядролық қаруға тыйым салу туралы шарттың күшіне енуін құптайды. 2017 жылдың 7 шілдесінде БҰҰ-ға мүше 122 мемлекеттің қолдауымен қабылданған шарт ядролық қаруды толық жою жолындағы маңызды қадам болып табылады.Қазақстан әлемдегі төртінші ядролық арсенал иесінен ядролық қарусыздану және таратпау саласындағы көшбасшы елге айналған мемлекет ретінде жоба бойынша келіссөздер процесіне белсенді қатысты", - делінген хабарламада.

2019 жылдың 3 шілдесінде президент Қасым-Жомарт Тоқаев "Ядролық қаруға тыйым салу туралы шартты ратификациялау туралы" заңға қол қойды.

"БҰҰ Бас Ассамблеясының 74-ші сессиясында тұңғыш рет мемлекет басшысы ретінде сөйлеген сөзінде Тоқаев ядролық қарудан азат әлемге қол жеткізу біздің еліміз үшін басты басымдық болып қала беретінін мәлімдеді. Президент бұл ұмтылыс бізге ядролық қаруды жою жолындағы жаһандық қозғалыстың алдыңғы шебінде болуға моральдық құқық беретінін айтты", - деп жазылған министрлік мәлімдемесінде.

2020 жылдың қыркүйек айында БҰҰ Бас Ассамблеясының мерейтойлық сессиясында Қазақстан президенті пандемия жағдайында ядролық қаруды таратпау және қарусыздану дағдарысы елеулі сын-тегеуріндердің қатарында қалып отырғанын, ал "ядролық қаруды таратпау режимінің эрозиясы бәрімізді осал әрі қауіпті жағдайға ұшыратқанын" ерекше атап өтті.

Осыған байланысты Назарбаевтың Ядролық қауіпсіздік және ядролық қарудан азат әлем үшін жаһандық көшбасшылар альянсын құру жөніндегі бастамасы аса өзекті болып қала береді.

Қазақстан планетамызды ядролық қарудан азат ету мақсатында мемлекеттерді шартқа қосылуға шақырады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар