Саясат 10.02.2021 сағат 01:22

Мүфтият басшылығы ҰҚК қызметкерлеріне пара ұсынған

Ақша аударымы кезінде мұсылмандар діни басқармасының бас есепшісі ұсталды.
Мүфтият басшылығы ҰҚК қызметкерлеріне пара ұсынған
фото: azattyq.org
Бөлісу
Бөлісу
Бөлісу

Қырғыз елінің мүфтият басшылығы Ұлттық қауіпсіздік комитетінің қызметкерлеріне 100 мың доллар көлемінде пара ұсынған. Осы даулы жайтқа байланысты қырғыз елінің Бас мүфтиі Мақсатбек қажы Тоқтомушев отставкаға кетті, деп хабарлайды zakon.kz.

Sputnik Қырғызстан агенттігі Ұлттық қауіпсіздік комитетіне сілтеме жасай отырып, мүфтият басшылығы қажылыққа барушылардың қажылық үшін берген садақасын өзге мақсатқа пайдаланып келген деген күдікке ілінгенін хабарлайды. Мүфтият жеке қаржы институттарына 100 миллион сомнан астам қаражатты ірі несие ретінде берген және ай сайын одан пайыздық үстемақы алып отырған делінеді.

Осы қаржылық операцияларды анықтағаннан кейін мүфтият басшылығы ҰҚК қызметкерлеріне пара ұсынған. Ақша аударымы кезінде мұсылмандар діни басқармасының бас есепшісі ұсталды.

Аса ірі көлемдегі пара фактісі бойынша іс қозғалды. Ұсталған адам уақытша ұстау изоляторына қамалды.

Мүфти Мақсатбек қажы Токтомушев қызметінен кетті. Ол бұл қызметті 2014 жылдан бері атқарып келеді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар