Саясат 10.03.2021 сағат 12:40

Мәжіліс Қырғызстан мен Қазақстан арасындағы қос азаматтыққа қатысты заң жобасын мақұлдады

Қырғызстан парламенті келісімді 2021 жылы 17 ақпанда бекіткен.
Мәжіліс Қырғызстан мен Қазақстан арасындағы қос азаматтыққа қатысты заң жобасын мақұлдады
Фото: ашық дереккөз
Бөлісу
Бөлісу
Бөлісу

Парламент мәжілісі "Қазақстан үкіметі мен Қырғыз Республикасының үкіметі арасындағы көші-қон саласындағы ынтымақтастық туралы келісімді ратификациялау туралы" заң жобасын мақұлдады, деп хабарлайды Sputnik Қазақстан.

Келісімге 2019 жылы 27 қарашада Бішкек қаласында қол қойылды.

Ішкі істер министрі Ерлан Тұрғымбаевтың айтуынша, құжат екі ел арасында азаматтық туралы ақпарат алмасуға, заңсыз көші-қонмен күресуге мүмкіндік береді. 

Нақтылап айтқанда:

  • статистика мен ақпарат алмасуға мүмкіндік бар;
  • азаматтар туралы жеке ақпарат алуға болады.
  • екі ел үкіметтері тәжірибе алмасып, бір-біріне практикалық көмек көрсетеді;
  • Қазақстан мен Қырғызстан азаматтарының құқықтық мәртебесі анықталады;
  • көші-қон саласындағы қылмыстармен күресіп, заңсыз каналдарды жоюға мүмкіндік бар.

"Өткен жылы Қазақстанға Қырғызстаннан 281 мыңнан астам азамат келді, осы жылы екі айда 25 мыңнан асты. Ал Қазақстаннан былтыр 175 мың азамат Қырғызстанға барған. Биыл екі айда 20 мыңнан аса адам барды. Екі елдің ынтымағы нығайып жатыр. Қазақстан осындай келісімді Өзбекстан, Тәжікстан, Әзербайжан және Беларусь мемлекетімен де жасады", - деді министр мәжілістің жалпы отырысында.

Қырғызстан парламенті келісімді 2021 жылы 17 ақпанда бекіткен.  

Бүгінгі таңда ішкі істер министрлігі көші-қон бойынша 23 халықаралық келісімді бекітті. Халықаралық деңгейде тағы 8 келісім дайындалып жатыр.

"Осы заң азаматтық туралы ақпарат алмасуға, заңсыз көші-қонды реттеуге, қос азаматтықпен күресуге бағытталған", - деді Тұрғымбаев.

Министр келісімді ратификациялау әлеуметтік-экономикалық және құқықтық салдарға әкеп соқпайтынын және қосымша қаржы талап етпейтінін атап өтті.

Мәжіліс заң жобасын бірауыздан мақұлдады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар