Саясат 07.04.2021 сағат 17:40

«Жаңа салымшыларды шақырамын!»: Балғымбек Имашев жұртты сетевой маркетингке шақырып жүр

Алдағы уақытта да "Аманат-Хоуммен" бірге боламын. Және, осы бағдарламаға сеніп, баспаналы болмысы келетін әр салымшының хақын қорғаймын.
«Жаңа салымшыларды шақырамын!»: Балғымбек Имашев жұртты сетевой маркетингке шақырып жүр
фото: sputniknews.kz
Бөлісу
Бөлісу
Бөлісу

«Тағдырымды вакцинаға емес, Аллаға тапсырдым» деп жұртты вакцина алмауға шақырған айтыскер ақын Балғынбек Имашев енді қаржы пирамидасының құрсауына түскен сыңайлы. Имашев мырза өзінің Instagram парақшасын «Аманат Хоум» деп аталатын бір желілік маркетингтің жарнамасына айналдырып алған, деп хабарлайды Skifnews.kz ақпарат порталы.

«Ал, достар! Сіздермен бөлісетін жаңалығым бар. Алла бұйыртса, "Аманат Хоум" компаниясы айналасындағы дау-дамайдың арқасында осы кооператив туралы біраз зерттеп, тікелей жұмысын бақылау үшін осы салада біраз жұмыс атқарсам деп шештім. Себебі, менің ұсынуымен, жарнамама сеніп, кооперативке қаржы салған адамдар күн сайын жекеме хабарласып, күмән мен күдіктен арылу үшін бастаған шаруаны аяғына дейін жеткізуімді сұрауда.

Менің сырттай тон пішіп, бәрі дұрыс, немесе бұрыс деп үкім, пәтуа беруге хақым жоқ. Себебі, ақыретте, Алла алдында әр сөзім мен әр ісім үшін жауап беретінім анық.

Оқи отырыңыз: «Вакцинацияға мәжбүрлесе көшеге шығып, қару алып соғысамын» - Балғынбек Имашев

Осыған дейін өмірде көп қателестім, танымайтын жандарға сендім, тіпті, ең жақын араласқан адамдардың да өзім еш күтпеген әрекеттерін көрдім. Ол ақымақтығым ба, аңғалдығым ба, білмедім, бірақ, үлкен сабақ болды. Ендігі уақытта сол өмір атты ұстаздан алған дәрістерімді өзімнің қателеспеуім үшін, бір айыпты қайталамауым үшін жаныма жақсылап сақтаймын.

Және бір айтарым: алдағы уақытта да "Аманат-Хоуммен" бірге боламын. Және, осы бағдарламаға сеніп, баспаналы болмысы келетін әр салымшының хақын қорғаймын.

Ендеше, бұрынғы салымшылар еш өкінбесін, уайымдамасын. Жаңа салымшыларды "Аманат Хоумға" шақырамын», - деп жазған өзінің Instagram парақшасында. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар