Латын әліпбиінің жаңа нұсқасы ұсынылды

Қазақстан Президентінің "Қазақ тілі әліпбиін кириллицадан латын графикасына көшірудің кейбір мәселелері туралы" қаулысының жобасы Ашық НҚА сайтына жарияланды, - деп хабарлайды Tengrinews.kz.

Мемлекет басшысы жарлыққа қол қойған жағдайда, латын графикасына негізделген қазақ тілінің әліпбиі мынадай болады:

Айта кетейік, әліпбидің жаңа нұсқасында 2021 жылдың қаңтарында ұсынылған нұсқамен салыстырғанда "Ң" әрпінің жазылуы өзгеше. Қазір "ың" дыбысы латын тілінде "Ñ" деп белгіленген. Ал бұған дейін Қасым-Жомарт Тоқаевқа ұсынылған кестеде әріп "Ŋ" деп белгіленген.

Еске салайық, жетілдірілген әліпбиде 31 әріп бар. Онда қазақ тілінің 28 дыбысы толық қамтылған.

Құжат 2021 жылдың 6 мамырына дейін ашық талқыланады. Оған мына сілтеме бойынша қатысуға болады.