Саясат 27.04.2021 сағат 19:17

Тоқаев бірқатар елдің елшілерінен сенім грамоталарын қабылдады

Біз халықаралық аренада «үлкен ойын» ойнауды емес, бірлесе отырып «үлкен нәтижеге» қол жеткізуді ойлаймыз.
Тоқаев бірқатар елдің елшілерінен сенім грамоталарын қабылдады
Бөлісу
Бөлісу
Бөлісу

Ақордада бірқатар мемлекеттің жаңадан сайланған төтенше және өкілетті елшілерінің Қазақстан Президентіне сенім грамоталарын табыстау рәсімі өтті, деп хабарлайды Skifnews.kz ақпарат порталы Ақордаға сілтеме жасап.

Қасым-Жомарт Тоқаевқа Уганда Республикасының елшісі Джонсон Агара Олва, Замбия Республикасының елшісі Шедрек Чингембу Лувита, Мальдивтер Республикасының елшісі Омар Абдул Раззак, Корей Халық Демократиялық Республикасының елшісі Хон Чхоль Син, Люксембург Ұлы Герцогтігінің елшісі Жорж Камиль Адольф Фабер, Исландия Республикасының елшісі Аурни Тор Сигурдссон, Черногорияның елшісі Милорад Шчепанович сенім грамотасын табыстады.

Қазақстан Президенті елшілерді дипломатиялық миссияларының ресми түрде басталуымен құттықтап, екіжақты байланыстарды одан әрі нығайтуға бағытталған жұмыстарына табыс тіледі.

– Қазақстан халықаралық ынтымақтастықты дамытуды қолдайды. Біз халықаралық аренада «үлкен ойын» ойнауды емес, қайта сіздердің елдеріңізбен бірлесе отырып «үлкен нәтижеге» қол жеткізуді ойлаймыз. Болашақта әртүрлі салалар бойынша ықпалдастықты арттырамыз деп сенемін. Қазақстан сіздердің мемлекеттеріңізбен екіжақты форматта да, халықаралық ұйымдар шеңберінде де тығыз қарым-қатынас орнатуға бейілді екенін жеткізерсіздер, – деді Мемлекет басшысы.

Салтанатты рәсім соңында Қазақстан Президенті Уганда, Замбия, Мальдивтер, ҚХДР, Люксембург, Исландия және Черногория көшбасшыларына өзінің сәлемін жолдап, тілектестігін білдірді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар