Саясат 31.05.2021 сағат 16:40

Нығматулин Жапония Парламенті спикерімен қандай келіссөз жүргізді?

Кездесу барасында тараптар Қазақстан мен Жапония арасындағы қарым-қатынастарының маңызды құрамдас бөлігі ретінде парламентаралық байланысты жандандыруды қолдады.
Нығматулин Жапония Парламенті спикерімен қандай келіссөз жүргізді?
фото: baq.kz
Бөлісу
Бөлісу
Бөлісу

Бүгін Мәжіліс төрағасы Нұрлан Нығматулин Жапония Парламенті Өкілдер Палатасының спикері Тадамори Ошимамен Қазақстан мен Жапония арасындағы жан-жақты ынтымақтастық пен парламентаралық диалогты нығайту туралы келіссөз жүргізді деп хабарлады BAQ.KZ.

Бейнеконференция байланысы арқылы өткен кездесуде Мәжіліс төрағасы Жапония Қазақстанның Азиядағы маңызды стратегиялық серіктес ел екенін, қос мемлекет арасында сенімді саяси диалог орнап, ынтымақтастықтың берік іргетасы қаланғанын, оған Қазақстан Республикасының Тұңғыш Президенті-Елбасы Нұрсұлтан Назарбаевтың шешуші рөл атқарғанын атап өтті.

Сондай-ақ, Мемлекет Басшысы Қасым-Жомарт Тоқаевтың Жапониямен көпжоспарлы ынтымақтастықты дамытуға ерекше мән беретінін айтқан Нұрлан Нығматулин елдің саяси жүйесін жаңғырту, отандық заңнаманы жетілдіру жөніндегі жұмыстар туралы, Президенттің саяси реформаларындағы негізгі болып табылатын митинг және сайлау туралы заңдар жайында әңгімеледі.
Атап айтқанда, Палата спикері 29 жасқа дейінгі әйелдер мен жастар үшін партиялық тізімдерде заңнамада көзделген 30 пайыздық квотаны, Мәжіліс сайлауында саяси партиялар үшін өту шегін төмендету, барлық деңгейдегі сайлау бюллетеньдеріне «Барлығына қарсы» бағанын енгізу сияқты заңнамадағы жаңалықтарды атап өтті.

Кездесу барасында тараптар Қазақстан мен Жапония арасындағы қарым-қатынастарының маңызды құрамдас бөлігі ретінде парламентаралық байланысты жандандыруды қолдады.

Өз кезегінде, Тадамори Ошима Жапония Қазақстанмен ынтымақтастыққа зор мән беретінін және стратегиялық серіктес мемлекет екенін, екі ел арасындағы сындарды байланыс одан әрі нығая түсететіне сенім білдірді. Сонымен қатар, Қазақстанның Тұңғыш Президенті Нұрсұлтан Назарбаевтың ядролық қарудан азат әлем құруға қосқан ерекше үлесін атап өтті.

Нұрлан Нығматулин мен Тадамори Ошима парламентаралық диалогты нығайту Қазақстан мен Жапония арасындағы өзара тиімді ынтымақтастықты дамытуға ықпал ететініне сенім білдірді.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар