Саясат 08.07.2021 сағат 15:00

«20 жылға кетеді»: Ұлттық қауіпсіздік комитеті бір халықаралық есірткі арнасын жойды

ҰҚК мәлімет бойынша, Қазақстан Республикасы үшін негізгі есірткі қаупінің бірі - "ауған факторы".
«20 жылға кетеді»: Ұлттық қауіпсіздік комитеті бір халықаралық есірткі арнасын жойды
фото: ҰҚК
Бөлісу
Бөлісу
Бөлісу

Ұлттық қауіпсіздік комитеті тағы бір халықаралық есірткі арнасын жойды, - деп хабарлайды Tengrinews.kz.

ҰҚК мәлімет бойынша, Қазақстан Республикасы үшін негізгі есірткі қаупінің бірі - "ауған факторы". Ауғанстандағы тұрақсыз ахуал Орталық Азия елдері арқылы Ресей мен Еуропаға есірткі ағынының жандануына ықпал етеді.

Қазақстан Республикасының Ұлттық қауіпсіздік комитеті 2021 жылдың маусымында шетел серіктестерімен өзара іс-қимылда Қырғызстан мен Өзбекстаннан Қазақстанға апиын есірткісінің контрабандасын анықтау бойынша 2 халықаралық операция жүргізді.

"Арнайы операция нәтижесінде 12,3 келі есірткі құралын Қазақстанға әкелуге жол берілмеді. Өзбекстан мен Қазақстан аумағында трансұлттық құрылымдардың 4 қатысушысы қылмыс үстінде ұсталды", - делінген хабарламада.

Қырғыз Республикасынан жеткізілген есірткіні жасырын орыннан алу кезінде Тараз қаласының есірткі курьері – бұрын осыған ұқсас есірткі қылмысын жасағаны үшін сотталған Қазақстан Республикасының азаматы ұсталды.

"Айыпталушылар кінәсін мойындап, тергеумен ынтымақтасуға келісім берді. Есірткі қылмысы үшін жоғарғы мерзім 20 жыл не мүлкін тәркілеумен өмір бойына бас бостандығынан айыру. Есірткі трафигіне қатысы бар өзге де адамдарды анықтау бойынша тергеу шаралары жалғасып жатыр", - делінген ҰҚК хабарламасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар