Саясат 08.08.2021 сағат 23:16

«Ұлттық мүддені ұмытыппын»: Ақаев қырғыз халқынан кешірім сұрады (ВИДЕО)

Қателік жібергенімді мойындаймын және сол үшін де күллі қырғыз халқының аяғына жығылып кешірім сұраймын.
Бөлісу
Бөлісу
Бөлісу

Қырғызстанның экс-президенті Асқар Ақаев “Құмтөр” жобасын іске асыруда жіберген кемшіліктері үшін халықтан кешірім сұрады, деп хабарлайды Dalanews.kz.

Ақаевтың айтуынша, 1992-93 жылы “Құмтөр” алтын кеніші бойынша келісімге қол қойылған сәтте қырғыз билігі ұлттық мүдделерді ұмытып, канадалық компанияға көп жеңілдік жасаған.

“Бұл қылмыс! Бұған сол тұстағы қырғыз үкіметі ғана кінәлі емес, ел экономикасы мен экологиясына орны толмас зиян келтірген келісім үшін мына мен де жауаптымын.

Қателік жібергенімді мойындаймын және сол үшін де күллі қырғыз халқының аяғына жығылып кешірім сұраймын.

“Құмтөр” жобасы бойынша қырғыз халқының сенімін ақтай алмадық. Үкімет тарапынан жүйелі әрі тиісті бақылау жүргізілмеді, соның салдарынан канадалық инвесторларға кенішті толық иемденуге мүмкіндік беріп қойдық.

Менің есебім бойынша қырғыз халқы кеніштің 40 пайызына иелік етуі керек еді, алайда Үкімет қол қойған құжатта тек 33 пайыз деп көрсетілген.  Бұл оларға орасан зор пайда әкелгенімен, Қырғызстан экономикасы үшін түкке тұрғысыз дивидендтер мен экологиялық зардаптардың жылдан жылға өсуіне әкелді”, – деді Ақаев.

Айта кетелік, осыған дейін Қырғызстанның экс-президенті Асқар Ақаевтың Бішкекке ұшып келгенін хабарлаған болатынбыз.

Жапаров билігі Ақаевты 1992 жылы “Құмтор” жобасы бойынша бас келісімді бекіту кезінде сыбайлас жемқорлыққа барды деп айыптады.

2005 жылдың наурызында болған төңкерістен кейін Ақаев Мәскеуге кетіп, сонда жұмыс істеді. Бұрынғы президент содан бері өз елінде болмаған еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар