Саясат 17.08.2021 сағат 15:00

Ауғанстандағы жағдайға байланысты Қазақстан әскері қырағылықты күшейтті

Ауғанстандағы жағдайдан кейін Қазақстан әскері қырағылық күшейтілгенін мәлімдеді, деп хабарлайды Stan.kz ақпарат агенттігі.
Ауғанстандағы жағдайға байланысты Қазақстан әскері қырағылықты күшейтті
Бөлісу
Бөлісу
Бөлісу

Ведомство мәлемінше, Ауғанстан Ислам Республикасындағы ахуалдың шиеленісуіне байланысты Қарулы Күштерде қырағылықты күшейту бойынша шаралар қабылданған. Ең алдымен, бұл арнайы операциялар, майдан және әскери-көлік авиациясына, әуе шабуылына қарсы қорғанысқа қатысты болып отыр.

Қорғаныс министрі өңірдегі жағдайды қадағалау және талдау, күштер мен құралдардың тәуліктік кезекшілігін ұйымдастыру бойынша міндеттер қойды. Жоғары қырағылықты қамтамасыз ету мақсатында әскери қызметшілердің кезекшілік атқаруы бойынша жүктемені бірдей бөлу қажет екені айтылды.

"Туындайтын сын-қатерді ұдайы бағалап, қазіргі уақытта біз үшін анағұрлым маңызды және негізгі күш-жігерді қайда бағыттау керек екенін айқындау қажет", – деді генерал-лейтенант Нұрлан Ермекбаев.

Алдағы аптада взводтардың жауынгерлік оқ атуы, әскери міндеттілермен жиындар, батальондармен бақылау сабақтары жоспарланып отырған әскерлердегі жауынгерлік оқу-жаттығу барысы туралы баяндалды.

Армиялық халықаралық ойындарға қатысушылар конкурстар өтетін орындарға келіп, 22 тамыздан бастап "АрХО – 2021" конкурстарына қатыса бастайды.

Запастағы, әсіресе тапшы мамандығы бар офицерлерді әскери қызметке шақыру мәселесі көтерілді. Армияның эпидемияға қарсы іс-шараларға қатысуы запастағы офицерлер бағдарламасы бойынша әскери кафедраларда дайындалатын және офицер атағын алғаннан кейін армияда қызмет өткергісі келмейтін әскери дәрігерлердің қажет екенін көрсетті.

Заңнамаға офицер әскери атағын алған әскери кафедраны бітірушілерді міндетті түрде әскери қызмет өткеру үшін әскерге шақыру бойынша түзетулер енгізу тапсырылды.

Барлық студент пен жоғары оқу орындары басшылары әскери кафедрада оқу - бұл ойын-сауық және запастағы офицердің әскери билетті алу тәсілі емес, ең алдымен – ел мүддесі үшін Қарулы Күштерде қызмет етуге дайын екендерін түсінуі тиіс”, – деді Қорғаныс министрі.

Күзде әскерге шақыру кампаниясына дайындалу шеңберінде әскери бөлімдер казармалық-тұрғын үй қорының жай-күйі қаралды. Мердігер ұйымдардың жеке ғимараттарды жөндеу қарқынының жеткіліксіз болуы туралы баяндалды. Олар белгіленген мерзімде тапсырылмауы мүмкін.

Бұндай бұзушылық бірінші рет болып отырмағаны атап өтілді, өйткені кейбір жағдайда құрылыс бойынша қызметтерді көрсетуге арналған конкурстарды әскери объектілерде жұмыс істеу тәжірибесі жоқ, төмен баға есебінен "кездейсоқ" ұйымдар жеңіп алады. Жалпы, қазіргі кезде Қарулы Күштердегі ғимараттарды салу және күрделі жөндеу саласындағы аутсорсингтің қолданыстағы жүйесі мерзімдерге, жұмыс сапасына және қорғаныс жағдайына теріс әсер ететін көптеген кемшіліктерді анықтайды.

Алдағы уақытта осындай жағдайларға жол бермеу бойынша жүйелі ұсыныстар енгізуге, сондай-ақ казармалық-тұрғын үй қорының уақтылы берілуін қамтамасыз етуге нұсқаулар берілді.

"Объектілерді уақтылы тапсырмаудың себебі жосықсыз мердігерлер, сонымен қатар әскери объектілерді салуды ұйымдастыру бойынша жүйелі шаралар қабылдамайтын лауазымды адамдар болып табылады", – деді қорғаныс ведомствосының басшысы.

Естеріңізге сала кетейік, 15 тамызда "Талибан" қозғалысы Ауғанстанды толық басып алғанын жариялады. Президент Ашраф Гани елден қашып кетті. 

Бұған дейін 70-ке жуық мемлекет ауған халқына көмектесуге дайын екендіктерін мәлімдеген. АҚШ Тәжікстаннан, Қазақстаннан және Өзбекстаннан американдықтарға көмектескен тоғыз мыңға жуық ауғандықтарды уақытша орналастыруды сұрағанын хабарлаған болатын. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар