Кулагиннің ұлы президентке бір табан жақындай түсті

"Құрметті достар! Бүгін Астана әкімі Әсет Өрентайұлы мені Президент әкімшілігіне мемлекеттік инспектор қызметіне орналасуыма байланысты құттықтап, жаңа жұмысыма табыс пен сәттілік тіледі. Баршаларыңызға артқан сенімдеріңіз бен көрсеткен қолдауларыңыз үшін алғысымды айтқым келеді. Менің әріптестеріме, Сарыарқа ауданы мен барша Астана тұрғындарына, бірге жұмыс істескен белсенді азаматтарға рахмет! Достар, мен Сіздер үшін бұрынғыша ашықпын! Біздің ауданның, қаланың және жалпы республиканың дамуы үшін сіздермен бірге белсенді жұмысты жалғастыруға дайынмын. Мемлекет басшысы артқан сенімді ақтау үшін бар күшімді саламын", - делінген Павел Кулагиннің жеке парақшасында.

Айта кетейік, П.Кулагин 30 жаста. Ол еңбек өтілінде бірнеше мемлекеттік қызметтің сатыларынан өткен. Астана әкімінің кеңесшісі, елордадағы "Алматы", "Сарыарқа" аудандарының әкімі болды. Ол өзінің мемлекеттік қызметтегі "өсулерін" әкеісінің қызметімен еш байланыстырмайды.