Саясат 30.12.2021 сағат 17:20

Зейнетақы ақшасын пайдалану туралы өзгерістерді сынаған депутаттың өкілетілігі тоқтатылды

Қылышбаев желтоқсан айының басында зейнетақы ақшасын алу шартының өзгеруін қатаң сынға алған.
Зейнетақы ақшасын пайдалану туралы өзгерістерді сынаған депутаттың өкілетілігі тоқтатылды
Бөлісу
Бөлісу
Бөлісу

Бейсенбі күні сенат депутаты Нұрлан Қылышбаевтың өкілеті тоқтатылды. Сенат депутаттары шешімді бір ауыздан қолдап, дауыс берді, деп жазады Азаттық. 

Сенат спикері Мәулен Әшімбаев Қылышбаевтың басқа жұмысқа ауысуына байланысты өз өкілетін тоқтату туралы өтініш бергенін айтты.

30 желтоқсанда "енді қай салаға барасыз?" деген журналистердің сұрақтарына Қылышбаев "мемлекет қай салаға жіберсе, сонда барамын" деп жауап берді.

ҚазТАГ агенттігі Қылышбаевтың желтоқсан айының басында зейнетақы ақшасын алу шартының өзгеруін қатаң сынға алғанын жазды. Депутат бұл азаматтардың сенімін азайтады деп мәлімдеген. Желтоқсан басында Бірыңғай жинақтаушы зейнетақы қоры (БЖЗҚ) қорда міндетті түрде қалуы тиіс қаражат мөлшері ("жеткілікті шек") шамамен екі есеге ұлғаятынын хабарлаған. Зейнетақы қорындағы "артық ақшаны" пайдалануды жоспарлаған жұрт бұл өзгерістерге қарсылық білдірген.

Нұрлан Қылышбаев сенатта бес жыл депутат болған. Оған дейін Алматы облысы Ескелді ауданының әкімі қызметін атқарды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар