Мемлекет басшысы төрағалығымен Үкіметтің кеңейтілген отырысы басталды

Жиында еліміздің былтырғы әлеуметтік-экономикалық дамуының қорытындылары туралы есеп беріледі және Үкіметтің 2022 жылға арналған іс-қимыл жоспары қарастырылады.

Президенті Қасым-Жомарт Тоқаевтың төрағалымен Үкіметтің кеңейтілген отырысы басталды.

Жиын барысында еліміздің былтырғы әлеуметтік-экономикалық дамуының қорытындылары туралы есеп беріледі және Үкіметтің 2022 жылға арналған іс-қимыл жоспары қарастырылады.

Естеріңізде болса, Мемлекет басшысы 2022 жылдың 11 қаңтарында өткен Қазақстан Республикасы Парламенті Мәжілісінің отырысында сөйлеген сөзінде аталған іс-қимыл жоспарын әзірлеуді тапсырған болатын.

«Премьер-Министрге үш аптаның ішінде Үкіметтің 2022 жылға арналған іс-қимыл жоспарын дайындауды тапсырамын.Оны ақпан айының басында өтетін Үкіметтің кеңейтілген отырысында қараймыз», - деген еді Қасым-Жомарт Тоқаев.